၂၀၂၆ ခုနှစ် ပထမနှစ်ဝက်အတွင်း အပြည်ပြည်ဆိုင်ရာ ကြက်ခြေနီကော်မတီ (ICRC) ဟာ မြန်မာနိုင်ငံတလွှား လက်နက်ကိုင် ပဋိပက္ခ၊ အကြမ်းဖက်မှုနဲ့ အရေးပေါ်အခြေအနေတွေကြောင့် ထိခိုက်ခံစားရသူ ၁၂၀,၀၀၀ ကျော်ဆီ ရောက်ရှိခဲ့ပြီး အရေးပေါ်နဲ့ ရေရှည် လူသားချင်းစာနာမှု အကူအညီတွေ ပေးခဲ့တယ်လို့ အစီရင်ခံစာ ထုတ်ပြန်ခဲ့ပါတယ်။
ICRC ဟာ ဒေသခံ မိတ်ဖက်အဖွဲ့အစည်းတွေနဲ့အတူ နေရပ်စွန့်ခွာ ရွှေ့ပြောင်းနေထိုင်ရသူတွေနဲ့ ထိခိုက်ခံရတဲ့ ရပ်ရွာလူထုတွေကို အထောက်အပံ့တွေ ပေးဖို့၊ ကျန်းမာရေးစောင့်ရှောက်မှု ဝန်ဆောင်မှုတွေကို ပံ့ပိုးပေးဖို့၊ ရေ၊ မိလ္လာနဲ့ နေထိုင်ဖို့ အမိုးအကာတွေ ရရှိမှု ပိုမိုကောင်းမွန်လာစေဖို့ ဆောင်ရွက်ခဲ့တယ်လို့ ဆိုပါတယ်။
ကိုယ်ကာယ ပြန်လည်သန်စွမ်းရေး၊ စိတ်ပိုင်းဆိုင်ရာ ကျန်းမာရေးနဲ့ စိတ်လူမှုရေးပိုင်းဆိုင်ရာ အထောက်အပံ့၊ အကာအကွယ်ပေးရေး ဝန်ဆောင်မှုတွေ၊ မိသားစု အဆက်အသွယ်တွေ ပြန်လည်ရရှိရေးနဲ့ ပေါက်ကွဲမှုဘေး အန္တရာယ် အသိပညာပေးတာတွေကို ပံ့ပိုးပေးဖို့ ဆောင်ရွက်ခဲ့တယ်လို့ ဆိုပါတယ်။
