တမူးခရိုင်အမှတ် (၁) တပ်ရင်းမှ ခွင့်လွန် (သို့) အကြောင်းအမျိုးမျိုးကြောင့် တာဝန်ထမ်းဆောင်ဖို့ ပျက်ကွက်နေကြတဲ့ ရဲဘော်တွေ အားလုံး ပြန်လာဖို့ ဩဂုတ် ၁၁ ရက်နေ့မှာ သတင်းထုတ်ပြန်ခဲ့ပါတယ်။
PDF အမှတ် (၁) စစ်ဒေသဌာနချုပ်၊ တမူးခရိုင်အမှတ် (၁) တပ်ရင်းမှ တာဝန်ထမ်းဆောင်ဖို့ ပျက်ကွက်နေတဲ့ ရဲဘော်တွေအနေနဲ့ ၂၀၂၆ခုနှစ်၊ ဩဂုတ်လ (၃၁) ရက်နေ့ နောက်ဆုံးထား၍ တပ်ရင်းသို့ ရောက်ရှိကြောင်း သတင်းပို့ပြီး တာဝန်ထမ်းဆောင်ရမယ်လို့ ဆိုပါတယ်။
ပြန်လည်သတင်းပို့ တာဝန်ထမ်းဆောင်ခြင်းမရှိပါက PDF ရဲ့ စစ်ဥပဒေအတိုင်း ဖမ်းဆီးအရေးယူ ဆောင်ရွက်သွားမယ်လို့ အသိပေးထုတ်ပြန်ချက်မှာ ဖော်ပြထားပါတယ်။
ပြီးခဲ့တဲ့ ဇူလိုင် ၁၃ ရက်မှာလည်း အမျိုးသားညီညွတ်ရေးအစိုးရ (NUG) လက်အောက်ခံ ကောလင်းခရိုင်၊ အမှတ် (၃) တပ်ရင်းက မိမိတို့ တပ်နဲ့ ကင်းကွာနေတဲ့ ရဲဘော်တွေ၊ ခွင့်လွန်ရဲဘော်တွေအားလုံး တပ်ရင်းသို့ ပြန်လည်တာဝန်ထမ်းဆောင်ဖို့ကိုလည်း အသိပေးထုတ်ပြန်ခဲ့ပါတယ်။
