ကလေး – တမူးလမ်းကြောင်းပေါ်ရှိ ခါမ်းပတ်မြို့နယ်အတွင်းက ကမ္မကြီးရွာကို စစ်တပ်က ဇူလိုင် ၂၁ ရက်နေ့မှာ ထပ်မံသိမ်းပိုက်ရရှိခဲ့တယ်လို့ ဇူလိုင် ၂၂ ရက်မှာ ထုတ်ပြန်ခဲ့ပါတယ်။
စစ်တပ်ဟာ မြန်မာ – အိန္ဒိယ နှစ်နိုင်ငံ နယ်စပ်ကုန်သွယ်ရေးအတွက် အဓိကအရေးပါတဲ့ လမ်းကြောင်းတစ်ခုဖြစ်တဲ့ ကလေး – တမူးလမ်းကြောင်းတစ်လျှောက်ကို ပြန်လည်ထိန်းချုပ် ဖွင့်လှစ်နိုင်ရေး ဆောင်ရွက်နေတယ်လို့ ဆိုပါတယ်။
၂၀၂၆ ခုနှစ်၊ ဇွန်လ ၇ ရက်နေ့မှစ၍ စစ်တပ်စစ်ကြောင်းဟာ ကလေး – တမူးလမ်းကြောင်းတစ်လျှောက်ရှိ မြို့၊ ရွာတွေကို ပြန်လည်သိမ်းပိုက်ထိန်းချုပ်နိုင်ခဲ့ပြီး ဇွန်လ ၂၀ ရက်နေ့မှာ ခါမ်းပတ်မြို့နဲ့ ဇွန်လ ၃၀ ရက်နေ့မှာ ကနန်ကျေးရွာတို့ကို ပြန်လည်သိမ်းပိုက် ထိန်းချုပ်နိုင်ခဲ့တယ်လို့ ဆိုပါတယ်။
ခါမ်းပါတ်မြို့ကို ၂၀၂၃ ခုနှစ်၊ နိုဝင်ဘာ ၃ ရက်မှာ တော်လှန်ရေးအင်အားစုတွေက သိမ်းပိုက် ထိန်းချုပ် ထားတာဖြစ်ပြီး လက်ရှိမှာတော့ စစ်တပ်က ပြန်လည်ထိန်းချုပ်သွားတာပဲ ဖြစ်ပါတယ်။
