သျှမ်းပြည်တောင်ပိုင်း၊ ဟိုပုံးမြို့နယ် နားလုံကျေးရွာအနီးမှာ အွန်လိုင်းလောင်းကစား (ကျားဖြန့်) လုပ်ငန်း လုပ်ကိုင်သူ တရုတ်နိုင်ငံသားတွေအပါအဝင် ၈၇ ဦးကို အောက်တိုဘာ ၅ ရက်နေ့က ဖမ်းဆီးရမိတယ်လို့ သက်ဆိုင်ရာ အာဏာပိုင်အဖွဲ့အစည်းက ထုတ်ပြန်ပါတယ်။

ဒေသခံတွေရဲ့ သတင်းပေးပို့ချက်အရ ဟိုပုံးမြို့နယ်၊ မိုင်းပွန်မြို့ရဲ့ အနောက်တောင်ဘက် ၂၁ ကီလိုမီတာခန့်အကွာ နားလုံကျေးရွာအနီးမှာ ကျားဖြန့်လုပ်ငန်း လုပ်ဆောင်နေတဲ့ တရုတ်နိုင်ငံသား ၇၅ ဦးနဲ့ မြန်မာနိုင်ငံသား ၁၂ ဦး၊ စုစုပေါင်း ၈၇ ဦးကို ဖမ်းဆီးရမိခဲ့တယ်လို့ ဆိုပါတယ်။