3
အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီးဌာန အမှတ် (၁) စစ်ဒေသလက်အောက်က ကလေးခရိုင် အမှတ် (၂) တပ်ရင်းမှာ တပ်ပြေးနေတဲ့ ရဲဘော်တွေအနေနဲ့ သတ်မှတ်ရက်အတွင်း ပြန်လာဖို့နဲ့ ပြန်မလာရင် ဖမ်းဆီးအရေးယူသွားမယ်လို့ အောက်တိုဘာ ၅ ရက်မှာ ထုတ်ပြန်ထားပါတယ်။
ခွင့်လွန်၊ ခွင့်မဲ့နဲ့ တပ်ပြေးနေတဲ့ ရဲဘော်တွေအနေနဲ့ အောက်တိုဘာ ၁၀ ရက် နောက်ဆုံးထားပြီး တပ်ရင်းကို လူကိုယ်တိုင်ပြန်လာကာ တာဝန်ပြန်ထမ်းဆောင်ကြဖို့ အသိပေးထားတာပါ။
သတ်မှတ်ရက်အတွင်း ပြန်လာတဲ့ ရဲဘော်တွေကို ပြစ်ဒဏ်လျှော့ပေါ့ပေးသွားမယ်လို့ ဆိုပါတယ်။ ဒါပေမယ့် သတ်မှတ်ရက်ကျော်တဲ့အထိ ပြန်မလာဘူးဆိုရင် စစ်စည်းမျဉ်းစည်းကမ်းတွေအတိုင်း ပြင်းပြင်းထန်ထန် ဖမ်းဆီးအရေးယူသွားမယ်လို့ တပ်ရင်းက ပြောထားပါတယ်။
