11
သျှမ်းပြည်မြောက်ပိုင်း ကွတ်ခိုင်မြို့နယ် နဲ့ နောင်ချိုမြို့နယ်တွေမှာ ၁၀၂၇ စစ်ဆင်ရေးအတွင်း တိုင်းရင်းသားလက်နက်ကိုင်အဖွဲ့အစည်းတွေ နဲ့ မြန်မာစစ်တပ်တို့ ထောင်ထားခဲ့တဲ့ မြေမြှုပ်မိုင်းတွေကြောင့် ဒေသခံတွေ ထိခိုက်သေဆုံးတာတွေ ရှိလာနေတာကြောင့် မိုင်းရှင်းလင်းပေးဖို့ ဒေသခံတွေက လိုလားနေကြတယ်လို့ ဆိုပါတယ်။
အခုရာသီဟာ ဒေသခံတွေအတွက် မှိုနုတ်၊ မျှစ်ချိုး၊ တောင်ယာလုပ်ငန်းခွင်တွေကို သွားရောက်ကြတာဖြစ်ပြီး ကွတ်ခိုင် နဲ့ နောင်ချိုမြို့နယ်တွေမှာ လမ်းမကြီးတစ်လျှောက်အပြင် တောင်သူတွေရဲ့ လယ်ယာလုပ်ငန်းခွင်တွေမှာလည်း မိုင်းတွေ ရှိတယ်လို့ ဆိုပါတယ်။
ကွတ်ခိုင် နဲ့ နောင်ချိုမြို့နယ်တွေကို ကိုးကန့်တပ် (MNDAA) နဲ့ စစ်တပ် တို့ ထိန်းချုပ်ထားတဲ့ ဒေသတွေ ဖြစ်တာကြောင့် အဲဒီတပ်ဖွဲ့တွေက ဦးဆောင်ပြီး မိုင်းရှင်းလင်းရေးတွေကို လုပ်ဆောင်ပေးဖို့ ဒေသခံတစ်ယောက်က ပြောပါတယ်။
