17
အမျိုးသားဒီမိုကရက်တစ် မဟာမိတ်တပ်မတော် (NDAA) မိုင်းလားတပ်ဖွဲ့က တိုင်းရင်းသားအဆင့်မြင့် ကိုယ်ပိုင်အုပ်ချုပ်ခွင့်ရရှိရေး နိုင်ငံရေးရည်မှန်းချက်ကို ဆက်လက်စွဲမြဲဆုပ်ကိုင်ထားကြောင်း ပြောကြားလိုက်ပါတယ်။
အဆိုပါပြောကြားချက်ကို အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) နဲ့ ရှမ်းပြည်နယ်အရှေ့ပိုင်း အထူးဒေသ(၄) ငြိမ်းချမ်းရေးနှင့် စည်းလုံးရေးကော်မတီတို့ ဇွန် ၁၇ ရက်က မိုင်းလားဒေသမှာ တွေ့ဆုံဆွေးနွေးစဉ် ထည့်သွင်းပြောဆိုခဲ့တာ ဖြစ်ပါတယ်။
NSPNC ဥက္ကဋ္ဌ ဒုတိယဗိုလ်ချုပ်ကြီး ရာပြည့် ဦးဆောင်တဲ့ ကိုယ်စားလှယ်အဖွဲ့ဟာ အထူးဒေသ(၄) ကို သွားရောက်ခဲ့ပြီး၊ ဦးထိန်လင်း ဦးဆောင်တဲ့ အဖွဲ့နဲ့ တွေ့ဆုံဆွေးနွေးခဲ့ပါတယ်။
