ကချင်လက်နက်ကိုင်အဖွဲ့ (KIA) နဲ့ လက်အောက်ခံအဖွဲ့တွေရဲ့ ထိုးစစ်ဆင်တိုက်ခိုက်မှုကြောင့် ဘေးလွတ်ရာကို ထွက်ပြေးတိမ်းရှောင်ခဲ့ရတဲ့ ဒေသခံရှမ်းနီတွေကို ရှမ်းနီအမျိုးသားများတပ်မတော် (SNA) က သွားရောက်ကူညီပေးနေတယ်လို့ သိရပါတယ်။
စစ်ကိုင်းတိုင်းဒေသကြီး ဟုမ္မလင်းမြို့နယ်နဲ့ ကချင်ပြည်နယ်အစပ်ရှိ ရှမ်းနီကျေးရွာတွေဖြစ်တဲ့ တောင်ဦး၊ သဲစလောက်၊ စကတ်တော၊ ရေပေါ်မီးနဲ့ ရာလားကောင်းကျေးရွာတွေက ဒေသခံတွေဟာ နေရပ်စွန့်ခွာပြီး ထွက်ပြေးတိမ်းရှောင်နေကြရတယ်လို့ သိရပါတယ်။
အဲဒီဒေသမှာရှိတဲ့ SNA တပ်စခန်းတွေကို KIA နဲ့ လက်အောက်ခံအဖွဲ့တွေက ၂၀၂၆ ခုနှစ် အောက်တိုဘာ ဒုတိယပတ်ကစပြီး စစ်အင်အားအများအပြားနဲ့ ထိုးစစ်ဆင်တိုက်ခိုက်ခဲ့တာလို့ ဆိုပါတယ်။ အဆိုပါထိုးစစ်မှာ KIA လက်အောက်ခံအဖွဲ့တွေဖြစ်တဲ့ KPDF၊ နာဂ PDF၊ ဟုမ္မလင်း ပ.က.ဖ၊ ခန္တီး PDF နဲ့ နွေဦးရောင်နီ PRF မြေပြင်ထောက်ပို့တော်လှန်ရေးအဖွဲ့တို့ ပါဝင်တယ်လို့ သိရပါတယ်။
