ကယန်းပြည်သစ်ပါတီ (KNLP) ထိန်းချုပ်ရာ ကယန်းဒေသအတွင်း အရပ်ဘက်လူမှုအဖွဲ့အစည်း (CSOs) တွေရဲ့ လုပ်ငန်းဆောင်ရွက်မှုတွေကို ခွင့်ပြုမှာ မဟုတ်ကြောင်း KNLP က နိုဝင်ဘာ ၁ ရက်မှာ ထုတ်ပြန်ပါတယ်။

ကယန်းဒေသ တည်ငြိမ်ရေးနဲ့ ပြန်လည်ထူထောင်ရေးအတွက် CSOs တွေရဲ့ လုပ်ငန်းဆောင်ရွက်မှုအားလုံးဟာ KNLP က တာဝန်ပေးအပ်ထားတဲ့ အဖွဲ့အစည်းတွေနဲ့ ကယန်းဒေသ ပြည်သူ့အုပ်ချုပ်ရေးအဖွဲ့တို့ရဲ့ စစ်ဆေးကြပ်မတ်မှုကို ခံယူရမယ်လို့ ထုတ်ပြန်ချက်မှာ ဖော်ပြထားပါတယ်။

ထုတ်ပြန်ချက်မှာ အမျိုးသားညီညွတ်ရေးအစိုးရ (NUG) ကို တရားဝင်အစိုးရအဖြစ် ရပ်တည်သူတွေနဲ့ မြန်မာစစ်တပ်တို့အကြား နိုင်ငံရေးအားပြိုင်မှုတွေကြောင့် ပြည်သူတစ်ရပ်လုံး မြေဇာပင်ဖြစ်ခဲ့ရတယ်လို့ KNLP က ဆိုပါတယ်။