12
အာရက္ခတပ်တော် (AA) ထိန်းချုပ်ထားတဲ့ ရခိုင်ပြည်နယ်အတွင်း မြို့နယ် ၄ ခုကို စစ်တပ်က လေကြောင်းတိုက်ခိုက်ခဲ့တာကြောင့် မွေးကင်းစကလေးငယ်တစ်ဦးအပါအဝင် လူ ၁၂ ဦး သေဆုံးပြီး ၃၂ ဦး ဒဏ်ရာရရှိခဲ့တယ်လို့ AA က ထုတ်ပြန်ပါတယ်။
ကျောက်တော်၊ မြောက်ဦး၊ ကျောက်ဖြူနဲ့ ပေါက်တော (ဝီရဌာနေ) မြို့နယ်တွေကို နိုဝင်ဘာ ၁ ရက်မှာ ဆက်တိုက်လေကြောင်းတိုက်ခိုက်ခဲ့ပြီး ပေါက်တောမြို့နယ်ကိုတော့ နိုဝင်ဘာ ၂ ရက် မနက်ပိုင်းမှာ ထပ်မံတိုက်ခိုက်ခဲ့တာလို့ ဆိုပါတယ်။
ကျောက်တော်မြို့နယ်မှာ ဝါးတောင်ကျေးရွာနဲ့ ပန်းဖဲချောင်းကျေးရွာကို ဆက်သွယ်ထားတဲ့ တံတားကို နိုဝင်ဘာ ၁ ရက် ညနေ ၅ နာရီ ၂၅ မိနစ်မှာ ဂျက်တိုက်လေယာဉ်တစ်စီးနဲ့ ဗုံးကြဲတိုက်ခိုက်ခဲ့တာကြောင့် လမ်းသွားလမ်းလာ ပြည်သူ ၇ ဦး သေဆုံးပြီး ၇ ဦး ဒဏ်ရာရရှိခဲ့တယ်လို့ AA က ပြောပါတယ်။
