အမျိုးသားဒီမိုကရက်တစ် မဟာမိတ်တပ်မတော် (NDAA) မိုင်းလားအဖွဲ့အနေနဲ့ နိုင်ငံတော်ရဲ့ အချုပ်အခြာအာဏာကို ကာကွယ်စောင့်ရှောက်သွားမယ်လို့ NDAA ဥက္ကဋ္ဌ ဦးထိန်လင်းက ပြောပါတယ်။

နိုဝင်ဘာ ၂ ရက်က မိုင်းလားမှာ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) နဲ့ NDAA မိုင်းလားအဖွဲ့တို့ တွေ့ဆုံဆွေးနွေးစဉ် ဦးထိန်လင်းက အခုလို ပြောကြားခဲ့တာဖြစ်ပါတယ်။

NDAA မိုင်းလား အထူးဒေသ (၄) အနေနဲ့ “ငြိမ်းချမ်း၊ စည်းလုံး၊ ဖွံ့ဖြိုး” ဆိုတဲ့ ရပ်တည်ချက်ကို ခိုင်မာစွာ ကိုင်စွဲထားပြီး နိုင်ငံတော်ရဲ့ အချုပ်အခြာအာဏာ၊ တိုင်းရင်းသားစည်းလုံးညီညွတ်ရေးနဲ့ နယ်မြေတည်တံ့ခိုင်မြဲရေးတို့ကို ကာကွယ်စောင့်ရှောက်သွားမယ်လို့ ဆိုပါတယ်။