စစ်ကိုင်းတိုင်းအထက်ပိုင်း ပင်လည်ဘူးမြို့နယ် ထမံ-မောက်လပ်ဒေသမှာ မနက်ဖြန် ဇူလိုင် ၂၉ ရက်၊ ဝါဆိုလပြည့်နေ့ မနက်အရုဏ်တက်ချိန် ဗုဒ္ဓဘုရားရှင်အား ရည်မှန်းကာ ဆွမ်း၊ ပန်း၊ ရေချမ်း၊ ဆီမီးများ ကပ်လှူပူဇော်ခြင်း အခမ်းအနားတွေ ပြုလုပ်နိုင်ဖို့ ရှမ်းနီလူငယ်တွေက ကြိုတင်ပြင်ဆင်မှုတွေ ပြုလုပ်နေကြတယ်လို့ သိရပါတယ်။
ဗုဒ္ဓဘုရားရှင်အား ရည်မှန်းကာ ဆွမ်း၊ ပန်း၊ ရေချမ်း၊ ဆီမီးများ ကပ်လှူပူဇော်ခြင်း အခမ်းအနားနဲ့ ဘုရားအမှူးရှိသော သံဃာတော်အရှင်သူမြတ်တို့အား ဆွမ်းတော်ဆက်ကပ် လောင်းလှူပူဇော်ခြင်းတွေ ပြုလုပ်သွားမယ်လို့ သိရပါတယ်။
၁၃၈၈ ခုနှစ် ဒုတိယဝါဆိုလဆန်း (၁၄) ရက် အဖိတ်နေ့ ညနေပိုင်းမှာ ရှမ်းနီစာပေနှင့် ရိုးရာယဉ်ကျေးမှု လူငယ်မောင်မယ်တွေနဲ့ ဂေါပကအဖွဲ့တို့က ကျေးရွာအတွင်းရှိ ဒေသခံတို့ ကုသိုလ်ပါဝင်လှူဒါန်းနိုင်စေဖို့အတွက် စီတန်းလှည့်လည်၍ အလှူခံတာတွေကို ပြုလုပ်ခဲ့ကြတယ်လို့ သိရပါတယ်။
ရှမ်းနီတိုင်းရင်းသားတို့ နေထိုင်ရာ ပင်လည်ဘူး၊ ဖောင်းပြင်၊ ဟုမ္မလင်း၊ ဗန်းမောက်၊ ခန္တီး၊ မိုးညှင်း၊ မိုးကောင်း၊ အင်းတော်ကြီး၊ ဝိုင်းမော်၊ တာလောကြီး၊ ဆင်ဘို စတဲ့ ဒေသအသီးသီးမှာ အခုလို ဓလေ့ထုံးတမ်းတွေကို ကျင်းပခဲ့ကြတာပဲ ဖြစ်ပါတယ်။
