သာသာနာနှစ် -၂၅၆၉ နှစ်၊ ကဆုန်လပြည့်နေ့မှာ ညောင်ရေသွန်းပွဲတော်ကို စစ်ကိုင်းတိုင်း အထက်ပိုင်း၊ ပင်လည်ဘူးမြို့နယ်၊ တုံးမွန်းကျေးရွာမှာ ရှမ်းနီတိုင်းရင်းသားတွေ စုပေါင်း၍ ကျင်းပပြုလုပ်ခဲ့တယ်လို့ သိရပါတယ်။

ဒီနေ့ ကဆုန်လပြည့်နေ့မှာ ကျင်းပပြုလုပ်ခဲ့တဲ့ အဲဒီအခမ်းအနားမှာတော့ ရှမ်းနီလူမျိုးတွေဟာ တုံးမွန်းကျေးရွာရှိ မဟာဗောဓိပင်ခြေရင်း၌ ဗုဒ္ဓဘုရားရှင်အား ရည်မှန်း၍ ဆွမ်း၊ ရေချမ်း၊ ပန်း၊ ဆီမီးကပ်လှူပူဇော်ခဲ့ကြပါတယ်။