လက်ရှိ မြန်မာ့နိုင်ငံရေးရဲ့ အရှိတရားဟာ အခြေခံကျကျ ပြောင်းလဲသွားပြီဖြစ်ပြီး ဒီနေ့ မြန်မာနိုင်ငံရဲ့ အုပ်ချုပ်ရေးဟာ နေပြည်တော်မှာ မရှိတော့ဘူးလို့ ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေး ဦးဆောင်ကောင်စီ (SCEF) က သဘောထား ထုတ်ပြန်ခဲ့ပါတယ်။
ပြီးခဲ့တဲ့ ဇူလိုင် ၁၃ ရက်နေ့က မြန်မာနိုင်ငံဆိုင်ရာ အထူးကိုယ်စားလှယ် အာဆီယံ ဥက္ကဋ္ဌရဲ့ ဖိတ်ကြားချက်အရ SCEF အဖွဲ့ဝင်များဖြစ်ကြတဲ့ ကရင်အမျိုးသားအစည်းအရုံး (KNU)၊ ကရင်နီပြည်၊ ကချင်လွတ်လပ်ရေးအဖွဲ့ (KIO) နဲ့ ချင်းအမျိုးသားတပ်ဦး (CNF) တို့အပြင် သျှမ်းပြည်ပြန်လည်ထူထောင်ရေးကောင်စီ (RCSS)၊ မွန်ပြည်သစ်ပါတီ (NMSP)၊ စစ်တပ်တို့အပါအဝင် ထိုင်း၊ ဖိလစ်ပိုင်နိုင်ငံ နိုင်ငံခြားရေးဝန်ကြီးတွေနဲ့ နိုင်ငံရေး တွေ့ဆုံဆွေးနွေးခဲ့ကြပါတယ်။
အဲဲဒီ တွေ့ဆုံဆွေးနွေးမှုတွေဟာ SCEF နဲ့ စစ်အာဏာရှင်တွေအကြား တရားဝင် နိုင်ငံရေး တွေ့ဆုံဆွေးနွေးပွဲ သို့မဟုတ် စေ့စပ်ညှိနှိုင်းမှု လုပ်ငန်းစဉ် စတင်ခြင်းလို့ အဓိပ္ပါယ် မကောက်ယူသင့်ကြောင်းလည်း SCEF က ဆိုပါတယ်။
