တော်လှန်ရေးအတွက် တိုက်ပွဲဝင်ရင်း သေဆုံးသွားတဲ့ PDF ရဲဘော် ၁၂ ဦးအတွက် ရှင်ပြုအလှူအပါအဝင် ကောင်းမှုကုသိုလ်တွေပြုလုပ်ပေးခဲ့တယ်လို့ တမူးခရိုင်အမှတ်(၂)တပ်ရင်းက မနေ့က ဧပြီ ၂၇ ရက်မှာ သတင်းထုတ်ပြန်လာပါတယ်။
တမူးခရိုင်၊ အမှတ်(၂)တပ်ရင်း ရဲဘော်/ရဲမေတွေ နဲ့ တော်လှန်ရေးမိသားစုတွေ စုပေါင်းပြီး တမူးခရိုင်အတွင်းရှိ မြို့သစ်မြို့နယ်၊ ဦးအောင်ဇေယျကျေးရွာ နဲ့ စိုးသာယာကျေးရွာအတွင်း တည်ထားကိုးကွယ်လျှက်ရှိတဲ့ (ရှေးဟောင်းသမိုင်းဝင်) ရွှေဥဒေါင်းစေတီတော်၊ အောင်မြေရတနာသိဒ္ထိစေတီတော်၊ အောင်တော်မူစေတီတော် နဲ ဆုတောင်းပြည့်စေတီတော် တို့အားပြုပြင်မွမ်းမံ၍ ရွှေသင်္ကန်းကပ်လှူပူဇော်တာ၊ ထီးတော်တွေတင်လှူပူဇော်တာတွေ ပြုလုပ်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ထို့အတူ ဒုတိယအကြိမ် ရှင်ပြု၊ နားသ အလှူတော်မင်္ဂလာပွဲ အခမ်းအနားကို (၃) ရက်တိတိ အောင်မြင်ခြိမ့်သဲစွာ ကျင်းပပြုလုပ်ခဲ့တယ်လို့ ဆိုပါတယ်။
အိန္ဒိယ – မြန်မာ နယ်စပ်ရှိ စစ်ကိုင်းတိုင်း တမူးမြို့ကို စစ်တပ်က ထိန်းချုပ်ထားပြီး တမူးခရိုင်အတွင်းရှိ ခါမ်းပတ်မြို့ နဲ့ မြို့သစ်မြို့ကို PDF တွေက ထိန်းချုပ်ထားပါတယ်။
