18
ကယန်းဒေသအတွင်းရှိ ကယန်းပြည်သစ်ပါတီ (KNLP) အုပ်ချုပ်ရေးနယ်မြေဒေသအတွင်း ဘယ်အဖွဲ့အစည်းမှ အုပ်ချုပ်ရေး၊ စစ်ရေးနဲ့ အခြားကိစ္စအရပ်ရပ်ကို ဝင်ရောက်စွက်ဖက်ခြင်း မပြုလုပ်ဖို့ တားမြစ်ကြောင်း ကြေညာချက် ထုတ်ပြန်လာပါတယ်။
ကယန်းပြည်သစ်ပါတီ အုပ်ချုပ်ရေးနယ်မြေဒေသအားလုံးကို ရည်ညွှန်းတာဖြစ်ပြီး ကယန်းဒေသ တည်ငြိမ်အေးချမ်းရေးနဲ့ လုံခြုံရေးဆိုင်ရာကို တိုးမြှင့်လုပ်ဆောင်သွားမယ်လို့ ဆိုပါတယ်။
၂၀၂၄ ခုနှစ်၊ နိုဝင်ဘာလ ၂၈ ရက် ရက်စွဲအရ Stakeholders အစည်းအဝေးမှာ အားလုံး သဘောတူညီချက်အတိုင်း ကရင်နီပြည်အတွင်းရှိ အုပ်ချုပ်ရေးလုပ်ငန်းတွေ ဆောင်ရွက်နေတဲ့ အဖွဲ့အစည်းတွေဟာ ကယန်းဒေသအတွင်းရှိ ကယန်းပြည်သစ်ပါတီ အုပ်ချုပ်ရေးနယ်မြေဒေသထဲကို လုံးဝ ဝင်ရောက်စွက်ဖက်ခြင်း မပြုရဆိုပြီး အဲဒီအစည်းအဝေးမှာ ဆုံးဖြတ်အတည်ပြုခဲ့ပြီး ဖြစ်တယ်လို့ ဆိုပါတယ်။
