စစ်ကိုင်းတိုင်းဒေသကြီး အထက်ပိုင်း၊ ဗန်းမောက်မြို့ပေါ်ရှိ စာသင်ကျောင်းတွေမှာ ရှမ်းနီအမျိုးသားများတပ်မတော် (SNA) က ကျောင်းသုံးဗလာစာအုပ်နဲ့ စာရေးကိရိယာတွေ ထောက်ပံ့ခဲ့တယ်လို့ သိရပါတယ်။

ဗန်းမောက်မြို့ပေါ်မှာ လုံခြုံရေးတာဝန်ထမ်းဆောင်နေတဲ့ SNA ရဲ့ စဝ့်ဆမ်တာစစ်ကြောင်းမှ တာဝန်ရှိ စစ်ကြောင်းမှူးနဲ့ အရာရှိတွေ၊ တပ်သားတွေက ပညာရေးအတွက် စာအုပ်၊ ခဲတံ၊ ဘောပင်တွေ ထောက်ပံ့ခဲ့သလို ဆရာ/ဆရာမ၊ ကျောင်းသူ/ကျောင်းသားတွေကိုလည်း အဟာရ ဒါနကျွေးမွေးကာ ကူညီလှူဒါန်းခဲ့တယ်လို့ သိရပါတယ်။

ပြီးခဲ့တဲ့ ဇူလိုင် ၂၁ ရက်နေ့ကလည်း ဟုမ္မလင်းမြို့နယ်အတွင်းရှိ စာသင်ကျောင်းတွေမှာ ရှမ်းနီအမျိုးသားများတပ်မတော် (SNA) က ကျောင်းသုံးဗလာစာအုပ်နဲ့ စာရေးကိရိယာတွေ ထောက်ပံ့လှူဒါန်းခဲ့တယ်လို့ သိရပါတယ်။