သျှမ်းပြည်မြောက်ပိုင်း၊ နောင်ချို – ကျောက်မဲဖက်သွား ဂုတ်တွင်းတံတား မိုင်းထောင်ဖျက်ဆီးခံရတယ်လို့ ဒေသခံတွေထံက သိရပါတယ်။
နောင်ချိုမှာ စစ်တပ်နဲ့ တအာင်းတပ် (TNLA) မဟာမိတ်ပူးပေါင်းတပ်တို့အကြား တိုက်ပွဲပြင်းထန်နေပြီး မဟာမိတ်တပ်တွေ ဆုတ်ရင်း ချိုးဖျက်သွားတာ ဖြစ်တယ်လို့ ပြောပါတယ်။
စစ်တပ်ကို ထောက်ခံအားပေးတဲ့ တယ်လီဂရမ်ချန်နယ်တွေမှာတော့ TNLA၊ ဓနု PDF နဲ့ မန္တလေး PDF တို့ ဆုတ်ခွာရာ လမ်းကြောင်းဖြစ်တဲ့ ဂုတ်တွင်း တံတားကို မိုင်းထောင်ဖျက်ဆီးခဲ့တာလို့ ရေးသားဖော်ပြကြပါတယ်။
လက်ရှိမှာလည်း နောင်ချိုမြို့နယ်ရှိ ရွှေပြည်ညွန့်၊ ကျောက်တော၊ ကုန်းစံ၊ ပန်လန်းနဲ့ ကျောက်ကြမ်းကျေးရွာမှာ စစ်တပ်နဲ့ TNLAတို့ တိုက်ပွဲဆက်လက်ဖြစ်ပွားနေချိန်အတွင်း စစ်တပ်မှ လက်နက်ကြီး ၁၈၂ လုံး၊ ဒရုန်းနဲ့ ဗုံး ၅၇ လုံးတို့ကို ပစ်ကူတိုက်ခိုက်ခဲ့တယ်လို့ TNLA က ဆိုပါတယ်။
TNLA ထိန်းချုပ်ထားတဲ့ နောင်ချိုကို စစ်တပ်ဖက်က အင်အားအလုံးအရင်းနဲ့ ထိုးစစ်ဆင်တိုက်ခိုက်နေပြီး တိုက်ပွဲ ဆက်လက်ဖြစ်ပွားနေတယ်လို့ သိရပါတယ်။
