10
သျှမ်းပြည်မြောက်ပိုင်း၊ သိန္နီမြို့မှာ စစ်မှုမထမ်းမနေရစနစ်နဲ့ ကိုးကန့်တပ် (MNDAA) က တပ်သားသစ်တွေ စုဆောင်းနေတယ်လို့ ဒေသခံတွေထံက သိရပါတယ်။
စစ်မှုထမ်းဖို့အတွက် ပြီးခဲ့တဲ့ နိုဝင်ဘာ ၄ ရက်နေ့မှာ ကိုးကန့်တပ်က တစ်အိမ်တစ်ယောက်နှုန်းနဲ့ စစ်မှုထမ်းတပ်သားသစ်တွေ စတင်ကောက်ယူနေတယ်လို့ ဆိုပါတယ်။
ဒါ့အပြင် ကိုးကန့်တပ် MNDAA က သူတို့ ပြုလုပ်ပေးထားတဲ့ အိမ်ထောင်စုစာရင်းနဲ့ မှတ်ပုံတင်တွေကို အခြေခံပြီး တစ်အိမ်တစ်ယောက် မဖြစ်မနေ စစ်မှုထမ်းဆောင်ရမယ်လို့ ပြောဆိုထားပြီး စစ်မှုမထမ်းလိုဘဲ တိမ်းရှောင်ပါက နေအိမ်တွေကို ချိတ်ပိတ်မယ်လို့ ခြိမ်းခြောက်ထားကြောင်း မြို့ခံတစ်ဦးက ပြောပါတယ်။
