25
ယာယီသမ္မတ ဦးမြင့်ဆွေ ကွယ်လွန်သွားတဲ့အပေါ် ဝမ်းနည်းကြောင်း အမျိုးသားဒီမိုကရက်တစ် မဟာမိတ်တပ်မတော် (NDAA) မိုင်းလားအဖွဲ့က သဝဏ်လွှာ ပေးပို့ခဲ့ပါတယ်။
ယာယီသမ္မတ ဦးမြင့်ဆွေ ဘဝတပါးသို့ ကွယ်လွန်အနိစ္စရောက်သွားပြီဖြစ်ကြောင်း ကြားသိရတဲ့အတွက် စိတ်မကောင်းဖြစ်ရကြောင်း၊ မိမိတို့အနေဖြင့် ယာယီသမ္မတ ဦးမြင့်ဆွေရဲ့ ကျန်ရစ်သူမိသားစုနဲ့အတူ ထပ်တူထပ်မျှ ဝမ်းနည်းကြောင်း ပေးပို့တဲ့ သဝဏ်လွှာမှာ ဖော်ပြထားပါတယ်။
ယာယီသမ္မတအဖြစ် တာဝန်ယူခဲ့တဲ့ ဦးမြင့်ဆွေဟာ မနေ့က ဩဂုတ်လ ၇ ရက်၊ မနက် ၈ နာရီက အမှတ် (၂) တပ်မတော်ဆေးရုံကြီးမှာ ကွယ်လွန်သွားကြောင်း စစ်ကောင်စီရဲ့ သတင်းထုတ်ပြန်ရေးအဖွဲ့က အတည်ပြုထုတ်ပြန်လိုက်ပါတယ်။
ဒါကြောင့် ယာယီသမ္မတ ဦးမြင့်ဆွေ ကွယ်လွန်မှုအတွက် ဩဂုတ် ၇ ရက်မှ ၉ ရက်နေ့အထိ နိုင်ငံတော်အဆင့်ဝမ်းနည်းခြင်း အထိမ်းအမှတ်ကာလအဖြစ် သတ်မှတ်ကြောင်း ထုတ်ပြန်ထားပါတယ်။
