မိုးကောင်းမြို့နယ် ဆားမှော်ကျေးရွာအနီးမှာ ရှမ်းနီအမျိုးသားများ တပ်မတော် (SNA) နဲ့ ကချင်လွတ်လပ်ရေးတပ်မတော် (KIA) တို့အကြား နှစ်ဖက်တိုက်ပွဲ ဖြစ်ပွားခဲ့ပြီး KIA ရဲ့ လက်နက်ခဲယမ်းအချို့ သိမ်းဆည်းရမိခဲ့တယ်လို့ သိရပါတယ်။
ဩဂုတ်လ ၁ ရက်နေ့က ဆားမှော်မြို့အနီး တပ်ဖွဲ့ဝင် ၃၀ ခန့်သာရှိတဲ့ SNA တပ်မဟာ ၅၆၅ ကာကင်းကုန်းတစ်ခုကို KIA နဲ့ KPDF အင်အားရာကျော်က လာရောက်တိုက်ခိုက်ခဲ့ကြောင်း၊ အင်အားမမျှတာကြောင့် SNA ဖက်က ပြန်ဆုတ်ခဲ့ရကြောင်း သိရပါတယ်။
အဲဒီနောက် SNA တပ်ဖွဲ့မှ ပြန်လည်စုဖွဲ့ပြီး ထိုးစစ်ဆင် တိုက်ခိုက်မှုကြောင့် KIA နဲ့ KPDF တွေ ပြန်လည်ဆုတ်ခွာသွားကြောင်း၊ SNA တပ်ဖွဲ့တွေ လိုက်လံရှင်းလင်းခဲ့ရာ AK ကျည်၂၅၃ တောင့်၊ AK ကျည်ဘောက် ၁၃ ဘောက်၊ လက်ပစ်ဗုံး ၁ လုံး၊ ငြုပ်ကျည်ပွေ့လက်ပစ်ဗုံး ၁ လုံး နဲ့ အီကွေ့မန့် ကျည်ကာ ယူနီဖောင်းတွေ သိမ်းဆည်းရမိခဲ့တယ်လို့ သိရပါတယ်။
ပြီးခဲ့တဲ့ ဇူလိုင်လအတွင်း SNA နဲ့ KIA၊ KPDF တို့အကြား အင်တော်ကြီးဒေသမှာ နှစ်ဖက်တိုက်ပွဲတွေ ဖြစ်ပွားခဲ့ပြီး SNA မှ နယ်မြေအချို့ သိမ်းပိုက်ထိန်းချုပ် နိုင်ခဲ့တယ်လို့ သိရပါတယ်။
အလားတူ ဖားကန့်၊ ဗန်းမော်မြို့တွေမှာလည်း စစ်တပ် နဲ့ KIA၊ ၎င်း လက်အောက်ခံတပ်ဖွဲ့တို့အကြား တိုက်ပွဲတွေ ဖြစ်ပွားလျက် ရှိနေတယ်လို့ သိရပါတယ်။
