ကချင်လွတ်မြောက်ရေးတပ်မတော် (KIA) ရဲ့ စခန်းကုန်းတစ်ခုကို ဝါရာဇွပ်ပြည်သူ့စစ်တပ်ဖွဲ့၊ မဟာမိတ် လီဆူတပ်တို့က တိုက်ခိုက်သိမ်းပိုက်ခဲ့တယ်လို့ ဝါရာဇွပ်ပြည်သူ့စစ်က ဇူလိုင် ၂၆ ရက်မှာ ထုတ်ပြန်ပါတယ်။
တနိုင်းမြို့နယ်ရှိ KIA ရင်း (၂၀) အူလွယ်ဘိုင်ဘန်စခန်းကုန်းကို ဝါရာဇွပ် ပြည်သူ့စစ်တပ်ဖွဲ့၊ မဟာမိတ်လီဆူတပ်၊ စစ်တပ်စစ်ကြောင်းတွေ ပူးပေါင်းပြီး တိုက်ခိုက်သိမ်းပိုက်ခဲ့တာလို့ ဆိုပါတယ်။
KIA ကာကင်းကုန်း၊ ရန်သူအလောင်းနဲ့ ရန်သူအရှင် ၁ ဦးဖမ်းမိခဲ့သလို လက်နက်ခဲယမ်းမျိုးစုံ သိမ်းဆည်းရမိခဲ့တယ်လို့ ဝါရာဇွပ် ပြည်သူ့စစ်တပ်ဖွဲ့ရဲ့ ထုတ်ပြန်ချက်မှာ ဖော်ပြထားပါတယ်။
ပြီးခဲ့တဲ့ မေလအတွင်းကလည်း KIA သိမ်းပိုက်ထားတဲ့ မြစ်ကြီးနား – ဖားကန့်လမ်းပေါ်ရှိ လဝါးကျေးရွာမှ ဆုတောင်းတောင်ရှိ တပ်စခန်းကို ရာဇွပ်ပြည်သူ့စစ် နဲ့ ပူးပေါင်းတပ်ဖွဲ့က ပြန်သိမ်းလိုက်တယ်လို့ ဒီကနေ့မှာ ထုတ်ပြန်ပါတယ်။
လက်ရှိမှာလည်း စစ်တပ်နဲ့ KIA ပူးပေါင်းတပ်ဖွဲ့တို့အကြား ဗန်းမော်မြို့၊ ဖားကန့်မြို့နယ်တို့မှာ တိုက်ပွဲတွေ ဖြစ်ပွားလျက်ရှိနေတယ်လို့ သိရပါတယ်။
