ကမ္ဘောဒီးယားဘက်မှ ပစ်ခတ်ခဲ့တဲ့ BM-21 ဒုံးကျည်ဟာ စိစကတ်တိုင်း၊ ကန်တာရာလတ်ခရိုင်၊ ဘန်ဖူးရှိ PTT ဓာတ်ဆီဆိုင်ရှိ 7 eleven ကို ထိမှန်ခဲ့ပြီး သေဆုံးသူ ၂ ဦးရှိကာ အရပ်သားထိခိုက်မှုတွေလည်း ရှိလာတယ်လို့ ထိုင်းသတင်းဌာနတွေက ဖောပြကြပါတယ်။

ဒီကနေ့ မနက် ၁၁ နာရီအချိန်မှာလည်း ထိုင်းစစ်တပ်က F-16 တိုက်လေယာဉ်တွေနဲ့ ချောင်းအန်မားရှိ ကမ္ဘောဒီးယားစစ်အခြေစိုက်စခန်းကို ဗုံးကြဲတိုက်ခိုက်ခဲ့တယ်လို့ သိရပါတယ်။

ထိုင်း နဲ့ ကမ္ဘောဒီးယားတို့ နှစ်နိုင်ငံတိုက်ပွဲကြောင့် ထိုင်းနိုင်ငံ၊ ဆူရင်ပြည်နယ်၊ ဖနွမ်ဒေါင်ရက်ခ်ခရိုင် ကျေးရွာအချို့မှ ဒေသခံတွေဟာ ဘေးလွတ်ရာနေရာသို့ ထွက်ပြေးတိမ်းရှောင်နေကြပါတယ်။