Home ပညာရေး ဟုမ္မလင်းရှိ စာသင်ကျောင်းတွေမှာ SNA က ဗလာစာအုပ်နဲ့ စာရေးကိရိယာတွေ ထောက်ပံ့

ဟုမ္မလင်းရှိ စာသင်ကျောင်းတွေမှာ SNA က ဗလာစာအုပ်နဲ့ စာရေးကိရိယာတွေ ထောက်ပံ့

by Homeland Author

စစ်ကိုင်းတိုင်းဒေသကြီး အထက်ပိုင်း၊ ဟုမ္မလင်းမြို့နယ်အတွင်းရှိ စာသင်ကျောင်းတွေမှာ ရှမ်းနီအမျိုးသားများတပ်မတော် (SNA) က ကျောင်းသုံးဗလာစာအုပ်နဲ့ စာရေးကိရိယာတွေ ဇူလိုင် ၂၁ ရက်နေ့က ထောက်ပံ့လှူဒါန်းခဲ့တယ်လို့ သိရပါတယ်။

SNA တပ်မဟာ (၈၉၁) တပ်ရင်း(၄) မှ ဟုမ္မလင်းမြို့နယ် ကောယားကျေးရွာအုပ်စု အတွင်းရှိ မကျည်းကုန်းကျေးရွာ၊ တုံမန်ဟဲကျေးရွာ နဲ့ မောင်ခမ်းအုပ်စု အတွင်းရှိ ချောင်းဆုံကျေးရွာ၊ သဲနန်ကျေးရွာ စတဲ့ကျေးရွာ (၄) ရွာရှိ စာသင်ကျောင်းတွေမှာ သွားရောက်ထောက်ပံ့လှူဒါန်းခဲ့တယ်လို့ သိရပါတယ်။

အလားတူ နောက်ထပ်လိုအပ်နေတဲ့ စာသင်ကျောင်းတွေမှာလည်း အခုလို ဆက်လက်လှူဒါန်းမှုတွေ လုပ်ဆောင်သွားမယ်လို့ SNA)တပ်မဟာ ၈၉၁ မှ တာဝန်ရှိအရာရှိတစ်ဦးက ပြောကြားထားပါတယ်။

ပြီးခဲ့တဲ့ ဇူလိုင် ၁၁ ရက်နေ့ကလည်း ဟုမ္မလင်းမြို့နယ်၊ ဆွယ်ကြာပေါ်ကျေးရွာမှာ စာသင်ခန်း မလုံလောက်တာကြောင့် ကိုယ့်အားကိုယ်ကိုး ကျောင်းဆောင်သစ်ဆောက်လုပ်ရေးအတွက် SNA မှ ကျပ်ငွေ သိန်း ၄၅၀ ကို မတည်လှူဒါန်းခဲ့တယ်လို့ သိရပါတယ်။

related posts

Leave a Comment