အင်းစိန်ထောင်တွင်းသေဆုံးခဲ့ရတဲ့ နိုင်ငံရေးအကျဉ်းသူ မဝတ်ရည်အောင် (ဒဂုံတက္ကသိုလ်ကျောင်းသားများသမဂ္ဂ ဗဟိုအလုပ်မှုဆောင်ဟောင်း) ရဲ့ အရိုးပြာကို ဂူသွင်းသင်္ဂြိုလ်လိုက်တယ်လို့ နာရေးကူညီမှုအသင်း-ရန်ကုန်က သိရပါတယ်။
ဒီကနေ့ ဇူလိုင် ၂၂ ရက် နေ့လယ်မှာ မဝတ်ရည်အောင် အသက် (၂၆) နှစ်ရဲ့ ကျန်ရစ်တဲ့ ရုပ်ကလာပ်ကို ရေဝေးသုဿန်မှာ ဂူသွင်းသင်္ဂြိုဟ်ဖို့ နာရေးကူညီမှုအသင်း-ရန်ကုန်က နာယကကြီး ဒေါ်သန်းမြင့်အောင်၊ ရုပ်ရှင်သရုပ်ဆောင် ထွန်းကိုကိုနဲ့ ကူညီမှုအသင်း (ရန်ကုန်) အသင်းသူ/သားတွေက ပို့ဆောင်ကူညီပေးခဲ့တယ်လို့ ထုတ်ပြန်ပါတယ်။
စစ်အာဏာသိမ်း ဆန့်ကျင်လှုပ်ရှားမှုမှာပါဝင်လို့ဆိုပြီး ထောင်ဒဏ် (၇) နှစ်ချမှတ်ထားတဲ့ မဝတ်ရည်အောင်ကို သေဆုံးပြီးချိန်မှသာ အကျဉ်းဦးစီးဌာနက အမိန့်စာပြန်လွှတ်ပေးခဲ့တာဖြစ်ပါ။
နိုင်ငံရေးအကျဉ်းသူ မဝတ်ရည်အောင်ဟာ အင်းစိန်ထောင်တွင်းမှာ ဦးနှောက်အကျိတ်တည်ရောဂါနဲ့ သေဆုံးခဲ့တာပါ။
