စစ်ကိုင်းတိုင်းဒေသကြီး အထက်ပိုင်း၊ ဟုမ္မလင်းမြို့နယ်အတွင်းရှိ ရှမ်းနီစစ်ဘေးရှောင်ပြည်သူတွေကို ရှမ်းနီစစ်ရှောင်ကူညီထောက်ပံ့ရေးနှင့် လူသားချင်းစာနာရေးအဖွဲ့ (SRAHO) က ၂၀၂၆ ခုနှစ်၊ နိုဝင်ဘာ ၉ ရက်နေ့မှာ ဆန်ရိက္ခာတွေ ထောက်ပံ့ကူညီပေးခဲ့တယ်လို့ သိရပါတယ်။
ကချင်လက်နက်ကိုင်အဖွဲ့ (KIA) နဲ့ လက်အောက်ခံအဖွဲ့အစည်းတွေရဲ့ ထိုးစစ်ဆင်တိုက်ခိုက်မှုတွေကြောင့် တောင်ဦးကျေးရွာ၊ ရာလာတီးကျေးရွာ၊ ပါဟုတ်ကြီးကျေးရွာ၊ ရေပေါ်မီးကျေးရွာ၊ တာမိန်ပုတ်ကျေးရွာ၊ သဲစလောက်ကျေးရွာ စတဲ့ကျေးရွာတွေက ဒေသခံရှမ်းနီပြည်သူတွေဟာ နေရပ်စွန့်ခွာပြီး ဘေးလွတ်ရာကို တိမ်းရှောင်ခဲ့ကြရတယ်လို့ သိရပါတယ်။
အဆိုပါ ရှမ်းနီစစ်ဘေးရှောင်ပြည်သူတွေဟာ သဲဟင်းကျဲကျေးရွာနဲ့ လှည်းဝိုင်းကျေးရွာတွေမှာ စစ်ဘေးတိမ်းရှောင်နေကြပြီး SRAHO က လူသားချင်းစာနာထောက်ထားမှုအရ ဆန်ရိက္ခာတွေကို သွားရောက်ထောက်ပံ့လှူဒါန်းခဲ့တာလို့ သိရပါတယ်။
