3
စစ်ကိုင်းတိုင်းဒေသကြီး အထက်ပိုင်း၊ ဟုမ္မလင်းမြို့နယ်၊ ထိန်ကုန်းကျေးရွာမှာ ပညာသင်ကြားရေးအတွက် လိုအပ်နေတဲ့ စာသင်ကျောင်းဆောင်သစ် ဆောက်လုပ်နိုင်ဖို့ ရှမ်းနီအမျိုးသားများညီညွတ်ရေးကောင်စီ/ရှမ်းနီအမျိုးသားများတပ်မတော် (SNUC/SNA) က ကျပ်သိန်း ၁ ထောင် မတည်လှူဒါန်းခဲ့ပါတယ်။
ဒေသတွင်းက လူငယ်တွေနဲ့ ကလေးသူငယ်တွေရဲ့ အနာဂတ်ပညာရေး တိုးတက်မြင့်မားလာစေဖို့ ရည်ရွယ်ပြီး SNA တပ်မဟာ ၉၇၂ က ၂၀၂၆ ခုနှစ်၊ စက်တင်ဘာလ ၂၁ ရက်နေ့မှာ သွားရောက်လှူဒါန်းပေးခဲ့တာလို့ သိရပါတယ်။
ဒေသခံလူငယ်တွေ စိတ်အေးချမ်းသာစွာ ပညာသင်ယူခွင့်ရရှိပြီး အသိပညာဗဟုသုတတွေ တိုးပွားလာဖို့နဲ့ ဒေသအကျိုးပြု ပညာတတ်မျိုးဆက်သစ်တွေ ပေါ်ထွက်လာဖို့အတွက် အခုလို စာသင်ကျောင်း ဆောက်ပေးတာဟာ ခိုင်မာတဲ့ အုတ်မြစ်တစ်ခု ဖြစ်တယ်လို့လည်း သက်ဆိုင်ရာအဖွဲ့အစည်းတွေရဲ့ ထုတ်ပြန်ချက်အရ သိရပါတယ်။
