သျှမ်းပြည်မြောက်ပိုင်းမှာ ခဲ၊ ငွေ၊ ကျောက်မီးသွေးနဲ့ ရွှေအပါအဝင် သယံဇာတ သတ္တုတွင်းထွက်ပေါင်း ၁၂ မျိုးထက်မနည်း ရှိပြီး သတ္တုတွင်းလုပ်ကွက် ၃၁ ခုထက်မနည်း ရှိတယ်လို့ ISP Myanmar က ဆန်းစစ်ချက် တစ်စောင် ထုတ်ပြန်ထားပါတယ်။
အဲဒီ သတ္တုတွင်း လုပ်ကွက်တွေအနက် လုပ်ကွက် ၁၀ ခုကို မြန်မာစစ်တပ်က ထိန်းချုပ်ထားပြီး ကျန် လုပ်ကွက် ၂၁ ခုကို တိုင်းရင်းသားလက်နက်ကိုင်အဖွဲ့အစည်း (EAOs) တွေက အသီးသီး ထိန်းချုပ်ထားတယ်လို့ ဆိုပါတယ်။
EAOs တွေ ထိန်းချုပ်ထားတဲ့ လုပ်ကွက် ၂၁ ခုထဲက ၉ ခုကိုတော့ တအာင်းအမျိုးသား လွတ်မြောက်ရေး တပ်မတော် (TNLA) က ထိန်းချုပ်ထားပြီး မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) က လုပ်ကွက် ၈ ခုကို ထိန်းချုပ်ထားတယ်လို့ ဆိုပါတယ်။
အလားတူ ကချင်လက်နက်ကိုင်အဖွဲ့ (KIA) က သတ္တုတွင်းလုပ်ကွက် ၃ ခုရှိပြီး ကျန်တစ်ခုကိုတော့ “ဝ”ပြည်သွေးစည်းညီညွတ်ရေးတပ်မတော် (UWSA) က ထိန်းချုပ်ထားတယ်လို့ ISP Myanmar က ဆိုပါတယ်။
