တော်လှန်ရေးကို လူထု နဲ့ တော်လှန်ရေးတပ်ဖွဲ့ဝင်တွေ ပူးတွဲတာဝန်ယူရမှာဖြစ်တယ်လို့ သျှမ်းပြည်ပြန်လည်ထူထောင်ရေးကောင်စီ (RCSS/SSA) ဥက္ကဋ္ဌ ဗိုလ်ချုပ်ကြီး ယွက်စစ်က ပြောပါတယ်။
ဒီနေ့ ၂၀၂၆ ခုနှစ် မေလ ၂၁ ရက်နေ့မှာ ကျရောက်တဲ့ (၆၈) နှစ်မြောက် သျှမ်းပြည်တော်လှန်ရေးနေ့သို့ ပေးပို့တဲ့ RCSS ဥက္ကဋ္ဌ ဗိုလ်ချုပ်ကြီး ယွက်စစ် ရဲ့ သဝဏ်လွှာမှာ ဖော်ပြထားတာပဲ ဖြစ်ပါတယ်။
“တော်လှန်ရေးအပေါ် ပြည်သူလူထုတို့အချို့က နားလည်မှုမရှိတာကြောင့် တော်လှန်ရေးဟာ လက်နက်ကိုင် တပ်ဖွဲ့တွေနဲ့ပဲ သက်ဆိုင်တယ်ဆိုပြီး ဝင်ရောက်ကူညီတာဝန်ယူဖို့ ပျက်ကွက်မှုတွေ ရှိခဲ့တယ်။ တကယ်တော့ ရေနဲ့ငါးလိုနေထိုင်ပြီး တော်လှန်ရေးကို လူထုနဲ့ တော်လှန်ရေးတပ်ဖွဲ့ဝင်တွေ ပူးတွဲတာဝန်ယူရမှာဖြစ်ပါတယ်။ တော်လှန်ရေးလုပ်တဲ့ သူတွေက နားမလည်၊ မလုပ်တတ်တဲ့အတွက် တော်လှန်ရေးတပ်နဲ့ လူထုကို သခင်နဲ့ကျွန်လို ပြုမူဆောင်ရွက်စေခဲ့ပါတယ်။ စော်ဘွားခေတ်က နည်းလမ်းများအတိုင်း လုပ်ဆောင်ခဲ့တယ်။ ထို့ကြောင့် တော်လှန်ရေး အဓွန့်ရှည်ရခြင်းဖြစ်ပါတယ်” လို့ ဗိုလ်ချုပ်ကြီး ယွက်စစ် ပြောပါတယ်။
