စစ်ကိုင်းတိုင်းဒေသကြီး အထက်ပိုင်း၊ ဟုမ္မလင်းမြို့မှာ အပတ်စဉ် သောကြာနေ့တိုင်း သက်ကြီးဘိုးဘွားတွေကို မြို့နယ်ပြည်သူ့ကျန်းမာ ရေးဦးစီးဌာန ကုသခန်းမဆောင်မှာ ကျန်းမာရေးစောင့်ရှောက်ပေးခြင်းကို ဒီနေ့ မနက် ၈ နာရီမှ ၁၂ နာရီအထိ ဆောင်ရွက်ပေးခဲ့တယ်လို့ သိရပါတယ်။
အဆိုပါ သက်ကြီးဘိုးဘွားတွေ ကျန်းမာရေး စောင့်ရှောက်မှု နဲ့ ကုသဆောင်ရွက်ခြင်းကို ဟုမ္မလင်းမြို့ခုတင် ၁၀၀ ဆံ့ ပြည်သူ့ဆေးရုံ၊ ဆေးရုံအုပ်ကြီး ဒေါက်တာ ရန်နိုင်ဆွေ နဲ့ တာဝန်ကျဆရာဝန်တွေ၊ ကျန်းမာရေးဝန်ထမ်းတွေက ကျန်းမာရေးဆိုင်ရာ အသိပညာပေးခြင်း၊ မကူးစက်ခင် ရောဂါကြိုတင်ကာကွယ်ရေးအသိပညာပေးခြင်းတွေကို ဆောင်ရွက်ခဲ့တယ်လို့ ဆိုပါတယ်။
ဒါ့အပြင် နှလုံးရောဂါ၊ သွေးတိုး ဆီးချို၊ ရောဂါအခံရှိသူ သက်ကြီးဘိုးဘွားစုစုပေါင်း (၈၀) ဦးကို အခမဲ့စောင့်ရှောက်ကုသပေးခဲ့တယ်လို့ သက်ဆိုင်ရာ အာဏာပိုင်အဖွဲ့အစည်းတွေရဲ့ ထုတ်ပြန်ချက်အရ သိရပါတယ်။
