သျှမ်းပြည်မြောက်ပိုင်း နောင်ချိုမြို့မှာ တအာင်းတပ်မတော် (TNLA) နဲ့ ပူးပေါင်းတပ်ဖွဲ့တွေကို ထောက်ပံ့သူတွေလို့ဆိုပြီး နေအိမ်အချို့ကို စစ်တပ်က ချိပ်ပိတ်လိုက်တယ်လို့ ဒေသခံတွေထံက သိရပါတယ်။
စစ်တပ်ကို ထောက်ခံအားပေးတဲ့ လူမှုကွန်ယက်စာမျက်နှာတွေမှာတော့ “TNLA၊ PDF တွေကို ထောက်ပံ့သူတွေ၊ အပြစ်မဲ့.နိုင်ငံ့ဝန်ထမ်းတွေနဲ့ ပြည်သူတွေကို အကြောင်းမဲ့ ဖမ်းဆီးသတ်ဖြတ်ခဲ့သူတွေရဲ့ ပိုင်ဆိုင်မှုတွေကို နိုင်ငံပိုင်အဖြစ် သိမ်းဆည်းပြီးဖြစ်ပါကြောင်း” လို့ ရေးသားဖော်ပြကြပါတယ်။
လက်ရှိ နောင်ချိုမြို့မှာ နေအိမ် ၁၀ လုံးထက်မနည်း ချိပ်ပိတ်ခံထားရကြောင်း၊ နောင်ချိုမြို့နယ်အတွင်းက ကျေးရွာအချို့မှာလည်း ချိပ်ပိတ်ခံရမှုတွေ ရှိနေတယ်လို့ ဆိုပါတယ်။
နောင်ချိုမြို့ကို ၁၀၂၇ စစ်ဆင်ရေးအတွင်း TNLA နဲ့ တော်လှန်ရေးအင်အားစုတွေက သိမ်းပိုက်ရရှိခဲ့ပြီး တနှစ်ကျော်အကြာ ၂၀၂၅ ခုနှစ်၊ ဇူလိုင် ၁၆ ရက်မှာ စစ်တပ်က ပြန်လည် ထိန်းချုပ်လိုက်ပါတယ်။
လက်ရှိမှာတော့ နောင်ချိုမှာ စစ်တပ်က အုပ်ချုပ်ရေးယန္တယားတွေ လည်ပတ်နိုင်ရေး လုပ်ဆောင်နေပြီး စာသင်ကျောင်းတွေလည်း ပြန်လည်ဖွင့်လှစ်ပြီဖြစ်ကြောင်း ထုတ်ပြန်ထားပါတယ်။
