ရှမ်းနီအမျိုးသားများတပ်မတော် (SNA) တပ်မဟာ (၉၇၂) မိန်းဟော်တိုင်းနိုင်းမိသားစုမှ အခြေခံပညာမူလတန်းကျောင်းခွဲ ကျောင်းဆောင်သစ်ဆောက်လုပ်ဖို့အတွက် ကျပ်ငွေ သိန်း ၄၅၀ ကို မတည်လှူဒါန်းခဲ့တယ်လို့ သိရပါတယ်။
ဟုမ္မလင်းမြို့နယ်၊ ဆွယ်ကြာပေါ်ကျေးရွာမှာ စာသင်ခန်း မလုံလောက်တာကြောင့် ကိုယ့်အားကိုယ်ကိုး ကျောင်းဆောင်သစ်ဆောက်လုပ်ရေးအတွက် ဇူလိုင် ၁၁ ရက်က သွားရောက် လှူဒါန်းခဲ့တာလို့ သိရပါတယ်။
အလားတူ အဆိုပါနေ့မှာပဲ မိန်းဟော်တိုင်းနိုင်းမိသားစုမှ သန္တိစေတီ (ကတ်သာတောကျောင်း) ကို ရေမော်တာ နဲ့ ဆိုလာလျှပ်စစ်မီးတို့အတွက် ကျပ်ငွေ သိန်း (၄၀၀) လှူဒါန်းခဲ့တယ်လို့လည်း သိရပါတယ်။
SNA အနေနဲ့ ဒေသတွင်း ပြည်သူလူထုတို့အတွက် မပြည့်စုံသေးတဲ့ ပညာရေး၊ ကျန်းမာရေး၊ ဘာသာရေး၊ စိုက်ပျိုးရေး၊ လမ်းပန်းဆက်သွယ်ရေး စတဲ့ ကဏ္ဍတွေမှာ တိုးတက်လာဖို့ ဆောက်ရွက်နေပြီး ဆက်လက်၍ ပံ့ပိုးမှုတွေလည်း လုပ်ဆောင်သွားမယ်လို့ SNA မှ တာဝန်ရှိသူတစ်ဦးက ပြောကြားထားပါတယ်။
ပြီးခဲ့တဲ့ ဇူလိုင် ၁ ရက်နေ့ ၃ ရက်နေ့အထိ ဗန်းမောက်မြို့မှာ ပြည်သူလူထုအတွက် ငှက်ဖျားနဲ့ တုတ်ကွေး ကာကွယ်ဆေး ထိုးပေးခဲ့တယ်လို့ သိရပါတယ်။
