လက်ရှိဖြစ်ပေါ်နေတဲ့ ပဋိပက္ခတွေကို ငြိမ်းချမ်းစွာဖြေရှင်းဖို့ ရှမ်းပြည်တိုးတက်ရေးပါတီ (SSPP/SSA) နဲ့ ကိုးကန့်တပ်ဖွဲ့ (MNDAA)တို့ ဇွန်လ ၁၇ ရက်က တွေ့ဆုံဆွေးနွေးပြီး သဘောတူခဲ့တယ်လို့ The Kokang က ထုတ်ပြန်ပါတယ်။
သျှမ်းပြည်နယ်မြောက်ပိုင်း သိန္နီမြို့နယ် သံလွင်ကျေးရွာမှာ တွေ့ဆုံခဲ့ပြီး လတ်တလောဖြစ်ပေါ်နေတဲ့ သဘောထားကွဲလွဲမှုတွေကို ငြိမ်းချမ်းစွာ ဖြေရှင်းဖို့ နှစ်ဖက်တပ်ဖွဲ့က သဘောတူညီခဲ့ကြတယ်လို့ ဆိုပါတယ်။
အဆိုပါ နှစ်ဖက်တွေ့ဆုံပွဲရဲ့ ဆွေးနွေးမှုရလဒ်တွေကို “ဝ” တပ်ဖွဲ (UWSA) ရဲ့ ရှေ့တန်း ဒုတိယ ကွပ်ကဲရေးမှူး က သက်သေခံအဖြစ် တက်ရောက်ခဲ့တယ်လို့ သိရပါတယ်။
ပြီးခဲ့တဲ့ ဇွန်လ ၁ ရက်နေ့က လားရှိုးမြို့နယ် နားလိုင်ရွာအထွက်မှာ SSPP စစ်ကြောင်းကို MNDAA က ဝင်ရောက်တိုက်ခိုက်တာကြောင့် နှစ်ဖက်တိုက်ပွဲဖြစ်ပွားပြီး MNDAA ဘက်မှ တပ်သား ၈ ဦး ကျဆုံးပါတယ်။
အလားတူ မေလ ၂၉ ရက်ကလည်း သီပေါမြို့နယ် နမ္မ ကျောက်မီးသွေးတွင်းရှိ SSPP တပ်စခန်းကို ဖယ်ရှားဖို့ MNDAA က ဖယ်ရှားဖို့ လာရောက်ချိန် နှစ်ဖက်ထိတွေ့ တိုက်ပွဲဖြစ်ပွားခဲ့တယ်လို့ သိရပါတယ်။
