မြန်မာ – အိန္ဒိယ နှစ်နိုင်ငံ နယ်စပ်ကုန်သွယ်ရေးအတွက် အရေးပါတဲ့ လမ်းကြောင်းတစ်ခုဖြစ်တဲ့ ကလေး – တမူး လမ်းကြောင်းတစ်လျှောက်ကို ပြန်လည်ထိန်းချုပ် ဖွင့်လှစ်ပေးနိုင်ရေးအတွက် စစ်တပ်က ထိုးစစ်ဆင်မှုတွေ လုပ်ဆောင်နေတယ်လို့ ထုတ်ပြန်လာပါတယ်။
ဇွန်လ ၇ ရက်နေ့က ကလေးမြို့ကနေ ချီတက်လာတဲ့ စစ်တပ်စစ်ကြောင်းဟာ ကလေး – တမူး လမ်းကြောင်းပေါ်ရှိ တော်လှန်ရေးအင်အားစုတွေ စိုးမိုးထားတဲ့ အရှေ့ခုံသာ ကျေးရွာ၊ ၅၆ မိုင်ကျေးရွာ၊ ၅၅ မိုင်ကျေးရွာ နဲ့ တမူးမြို့ဘက်ကနေ ချီတက်လာတဲ့ စစ်တပ်စစ်ကြောင်းတွေဟာ နန်းမွန်တားကျေးရွာ၊ ရန်လင်းပိုင် ကျေးရွာတို့ကို သိမ်းပိုက်ရရှိခဲ့တယ်လို့ ဆိုပါတယ်။
စစ်တပ်က ကလေး – တမူး လမ်းကြောင်းတစ်လျှောက်ကို အမြန်ဆုံးပြန်လည်ထိန်းချုပ် ဖွင့်လှစ်ပေးနိုင်ရေး စစ်ကြောင်းထိုးရာမှာ ရန်လင်းပိုင်ကျေးရွာအနီး တိုက်ပွဲတွေဖြစ်ပွားခဲ့ PDF စခန်းတွေကို သိမ်းပိုက်နိုင်ခဲ့တယ်လို့ ဆိုပါတယ်။
တော်လှန်ရေးအင်အားစုတွေအနေနဲ့လည်း ၎င်းတို့စခန်းကို စွန့်ခွာပြီး တဖက်နိုင်ငံထဲကို ဆုတ်ခွာထွက်ပြေးသွားတယ်လို့ ထုတ်ပြန်ချက်မှာ ဖော်ပြထားပါတယ်။
