ကတူးလူမျိုးအမည်ခံ၍ လှုပ်ရှားနေကြတဲ့ အချို့အဖွဲ့အစည်းတွေရဲ့ ဆောင်ရွက်ချက်တွေဟာ ကတူးတမျိုးသားလုံး နဲ့ သက်ဆိုင်မှု မရှိဘူးလို့ ကတူးအရပ်ဖက်အဖွဲ့အစည်း ၃ ဖွဲ့မှ ဒီနေ့ ဖေဖော်ဝါရီ ၁၂ ရက်မှာ ထုတ်ပြန်လာပါတယ်။ အဲဒီ ထုတ်ပြန်ချက်ကိုတော့ ကတူးရဟန်းတော်များအဖွဲ့၊ ကတူးစာပေပေါ်ပေါက်ရေးကော်မတီ (ကတူးအမျိုးသားအဖွဲ့) နဲ့ ကတူးလူငယ်များအဖွဲ့ချုပ်တို့က ပူးတွဲ ထုတ်ပြန်ခဲ့တာပဲ ဖြစ်ပါတယ်။ ကတူးလူမျိုးအမည်ခံ၍ လှုပ်ရှားနေကြတဲ့ အချို့အဖွဲ့အစည်းတွေရဲ့ ဆောင်ရွက်ချက်တွေဟာ ကတူးတစ်မျိုးသားလုံးနဲ့ သက်ဆိုင်မှုမရှိဘဲ ဆောင်ရွက်နေကြတဲ့ အဖွဲ့အစည်းနဲ့သာ သက်ဆိုင်ကြောင်း သဘောထားထုတ်ပြန်ပါတယ်။ ဒါ့အပြင် ကတူးလူငယ်တွေကို အတင်းအဓမ္မ တပ်သားသစ် စုဆောင်းနေကြတဲ့ မည်သည့်လက်နက်ကိုင်အဖွဲ့အစည်းကိုမဆို ပြင်းထန်စွာ ကန့်ကွက်ရှုတ်ချ၍ သမိုင်းမှတ်တမ်းတင်ထားမယ်လို့လည်း ထုတ်ပြန်ချက်မှာ ဖော်ပြထားပါတယ်။ ကတူးအရပ်ဘက်အဖွဲ့အစည်းတွေအနေဖြင့် ၂၀၁၉ ခုနှစ်မှာ တရားဝင် မှတ်ပုံတင်ထားတဲ့ ကတူးအမျိုးသားအဖွဲ့ရဲ့ နဂိုမူလ ဖွဲ့စည်းပုံ၊ မူဝါဒတွေကိုသာ လက်ခံ၍ စာပေ နဲ့ ရိုးရာယဉ်ကျေးမှုဆိုင်ရာ လုပ်ငန်းစဉ်တွေကို ဆက်လက် ဆောင်ရွက်သွားမယ်လို့ ဆိုပါတယ်။ ပြီးခဲ့တဲ့ ၂၀၂၆ ခုနှစ်၊ ဇန်နဝါရီ ၂၉ ရက်နဲ့ ၃၀ ရက်တွေမှာ တော်လှန်ရေးအင်အားစုအချို့ နဲ့ ကဒူးတိုင်းရင်းသားတွေပါဝင်တဲ့ ကဒူးတိုင်းရင်းသားညီလာခံကို ကျင်းပပြီး ကဒူးအမျိုးသားဖွဲ့စည်းပုံကို အတည်ပြုနိုင်ခဲ့တယ်လို့ ဖေဖော်ဝါရီ ၁ ရက်နေ့မှာ ထုတ်ပြန်လာပါတယ်။ သို့သော်လည်း အဲဒီ ညီလာခံကို ဗန်းမောက်အနောက်ပိုင်းရှိ ကဒူးကျေးရွာ ၁၂ ရွာ နဲ့ ကသာမြို့နယ်မှ ကဒူးကျေးရွာတွေ တက်ရောက်ခြင်း မရှိဘူးလို့ ဆိုပါတယ်။ လက်ရှိမှာတော့ စစ်ကိုင်းတိုင်း၊ ဗန်းမောက်၊ အင်းတော်၊ ပင်လည်ဘူးတို့မှာ ကတူးအမည်ခံ၍ ကတူးဒေသကာကွယ်ရေးတပ်ဖွဲ့ (ကဒူးအာမီ) ကို ဖွဲ့စည်းလှုပ်ရှားနေသလို တခြားသော အင်အားစုတွေနဲ့ ပူးပေါင်း၍ လှုပ်ရှားနေတဲ့ ကတူးနိုင်ငံရေးအဖွဲ့အစည်းလည်း ရှိနေတယ်လို့ သိရပါတယ်။

အာရက္ခတပ်တော် (AA) စစ်ဦးစီးချုပ် ဗိုလ်ချုပ်ထွန်းမြတ်နိုင် နဲ့ ချင်းပြည်နယ်၊ မရာနယ်မြေ အုပ်ချုပ်ရေးကောင်စီတို့ တွေ့ဆုံဆွေးနွေးခဲ့ကြတယ်လို့ ဒီကနေ့ ဖေဖော်ဝါရီလ ၁၀ ရက်နေ့မှာ သတင်းထုတ်ပြန်လိုက်ပါတယ်။ AA …

နေပြည်တော်အစိုးရ အနေဖြင့် NUG နဲ့ စကားပြောဆိုဖို့ ဆန္ဒရှိ၊ မရှိ ကို ပွင့်လင်းစွာ မေးမြန်းထားတယ်လို့ ကချင်လွတ်မြောက်ရေးကောင်စီ (KIC) ဒုဥက္ကဋ္ဌ(၁) ဒုဗိုလ်ချုပ်ကြီးဂွမ်မော်က ပြောပါတယ်။ …

ဒီနေ့ ဖေဖော်ဝါရီ ၇ ရက်နေ့မှာ ကျရောက်တဲ့ သျှမ်းအမျိုးသားနေ့ အခမ်းအနားကို စစ်ကိုင်းတိုင်းဒေသကြီး အထက်ပိုင်း ဟုမ္မလင်းမြို့မှာ ကျင်းပပြုလုပ်ခဲ့တယ်လို့ သိရပါတယ်။ ရှမ်းနီတိုင်းရင်းသားများ စာပေနှင့် ယဉ်ကျေးမှုကော်မတီမှ …

သျှမ်းပြည်ပြန်လည်ထူထောင်ရေးကောင်စီ (RCSS/SSA) ရဲ့ ဌာနချုပ် လွယ်တိုင်းလျဲန်းမှာ ကျင်းပပြုလုပ်တဲ့ သျှမ်းပြည်အမျိုးသားနေ့ အခမ်းအနားကို တိုင်းရင်းသားလက်နက်ကိုင်အဖွဲ့အစည်းများ (EAOs) မှ ခေါင်းဆောင်တွေ တက်ရောက်ခဲ့ကြတာကို တွေ့ရပါတယ်။ အဲဒီအခမ်းအနားကို …

ရန်ကုန်မြို့ ကန်တော်ကြီး မျှော်စင်ကျွန်းမှာ ဒီနေ့ ဖေဖော်ဝါရီ ၇ ရက်နေ့မှာ ကျရောက်တဲ့ သျှမ်းပြည်အမျိုးသားနေ့ အခမ်းအနားကို ကျင်းပပြုလုပ်နေတယ်လို့ သိရပါတယ်။ (၇၉) ကြိမ်မြောက် သျှမ်းပြည်အမျိုးသားနေ့ …

ဒီနေ့ ဖေဖော်ဝါရီ ၇ ရက်နေ့မှာ ကျရောက်တဲ့ (၇၉) နှစ်မြောက် သျှမ်းပြည်အမျိုးသားနေ့ကို ရှမ်းပြည်တိုးတက်ရေးပါတီ (SSPP/SSA) ဌာနချုပ် ဝမ်ဟိုင်းမှာ အခမ်းအနား မြင်ကွင်းဖြစ်ပါတယ်။

ဒီနေ့ ဖေဖော်ဝါရီ ၇ ရက်နေ့မှာ ကျရောက်တဲ့ သျှမ်းအမျိုးသားနေ့မှသည် နောင်နှစ်ပေါင်းများစွာ ကမ္ဘာတည်သရွေ့ ငြိမ်းချမ်းစွာဖြင့် တောင်းတင်းခိုင်မာ၍ စည်းလုံးညီညွတ်တဲ့ ထာဝရသျှမ်းပြည်ကြီးအဖြစ် ရပ်တည်နိုင်ပါစေကြောင်း ရှမ်းနီအမျိုးသားများညီညွတ်ရေးကောင်စီ (SNUC)၊ …

သျှမ်းပြည်ပြန်လည်ထူထောင်ရေးကောင်စီ (RCSS/SSA) မှ ကမကထပြု၍ သျှမ်းပြည်အမျိုးသား ညီလာခံ (ပထမအကြိမ်) ကို ကျင်းပပြုလုပ်ခဲ့ပြီးနောက် သျှမ်းပြည်နယ် ဖွဲ့စည်းပုံအခြေခံဥပဒေ ရေးဆွဲရေး အခြေခံမူများ ဆွေးနွေးအတည်ပြုနိုင်ခဲ့တယ်လို့ သိရပါတယ်။ …

ကဒူးတိုင်းရင်းသားတွေ စုပေါင်း၍ ၂၀၂၆ ခုနှစ်၊ ဇန်နဝါရီလအတွင်း ကဒူးတိုင်းရင်းသားညီလာခံကို ကျင်းပပြီး ကဒူးအမျိုးသားဖွဲ့စည်းပုံကို အတည်ပြုနိုင်ခဲ့တယ်လို့ ထုတ်ပြန်လာပါတယ်။ ဒုတိယအကြိမ်မြှောက် ကဒူးတိုင်းရင်းသားညီလာခံကို ၂၀၂၆ ခုနှစ်၊ ဇန်နဝါရီ …