နာဂအမျိုးသားဆိုရှယ်လစ်ကောင်စီ-ကပ္ပလန်/အန်းမိုင် (NSCN-K/AM) နဲ့ နာဂအမျိုးသားဆိုရှယ်လစ်ကောင်စီ-အိုက်ဇက်ရှီချီဆူ/ဗွီးဗာ (NSCN-IM) တို့ ပူးပေါင်းပြီး ဩဂုတ် ၁၄ ရက်မှာ ကျရောက်တဲ့ နာဂလွတ်လပ်ရေးနေ့ အခမ်းအနားကို ကျင်းပခဲ့တယ်လို့ သိရပါတယ်။

အဆိုပါ နာဂလက်နက်ကိုင်တပ်ဖွဲ့တွေဟာ မြန်မာနိုင်ငံအတွင်းရှိ စစ်ကိုင်းတိုင်းဒေသကြီး နဲ့ အိန္ဒိယနိုင်ငံ အရှေ့မြောက်ပိုင်းမှာ အခြေစိုက်ကာ ၁၉၈၀ ခုနှစ်မှာ စတင်ဖွဲ့စည်း လှုပ်ရှားခဲ့ပါတယ်။

နာဂအမျိုးသားဆိုရှယ်လစ်ကောင်စီ (NSCN – K) ဟာ အိန္ဒိယနိုင်ငံရှိ နာဂလန်းပြည်နယ် နဲ့ မြန်မာနိုင်ငံမှ နာဂဒေသတို့ကို ပေါင်းစည်းပြီး လွတ်လပ်သော နာဂဆိုရှယ်လစ် နိုင်ငံတော်တည်ထောင်ဖို့ ၁၉၈၀ ခုနှစ်မှာ စတင်ဖွဲ့စည်းခဲ့တဲ့ အဖွဲ့ဖြစ်ပါတယ်။