တိုင်းပြည်ရဲ့ အနာဂတ်ဟာ ဗိုလ်ချုပ်တို့ ပခုံးပေါ်ရောက်နေပြီလို့ အာရက္ခတပ်တော် (AA) ရဲ့ ဒုစစ်ဦးစီးချုပ် ဒေါက်တာ ညိုထွန်းအောင်ကို အမျိုးသားညီညွတ်ရေးအစိုးရ (NUG) ရဲ့ ကျန်းမာရေးနဲ့ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာဇော်ဝေစိုးက ၎င်းရဲ့ လူမှုကွန်ယက်စာမျက်နှာမှာ ရည်ညွှန်းရေးသားခဲ့ပါတယ်။

ဩဂုတ်လ ၄ ရက်နေ့က ဒေါက်တာညိုထွန်းအောင် ရေးသားတဲ့ “သူပုန်ဖြူ ကဗျာစာအုပ်” လေလံပြိုင်ပွဲဲဲဲဲဟာ အမေရိကန်ဒေါ်လာ လေးသောင်းအထိ ရရှိခဲ့ခြင်းနဲ့ ပတ်သက်လို့ ဂုဏ်ယူကြောင်း ရေးသားဖော်ပြခဲ့တာပါ။

ဒေါက်တာ ဇော်ဝေစိုးက “ကျေးဇူးတင် ဝမ်းသာ ကြည်နူးရပါတယ် ​ဒေါက်တာညို​ရေ။ Congratulations ပါ သူပုန်ဖြူ။ ကျွန်​တော်တို့ ပြည်တွင်း ပြည်ပ ပြည်သူ​တွေအားလုံး၊ တော်လှန်​ရေး အင်အားစု​​တွေ အားလုံး၊ ချစ်ခင်ရပါ​သော၊ ​လေးစားရပါ​သော၊ အားကိုးရပါ​သော၊ သူပုန်ဖြူ။ တိုင်းပြည်ရဲ့အနာဂတ်ဟာ၊ ဗိုလ်ချုပ်တို့၊​ ခေါင်းဆောင်တို့၊ ပခုံး​ပေါ်မှာ​ ရောက်​နေပါပြီ” လို့ ပြောပါတယ်။

ဒေါက်တာညိုထွန်းအောင် ရေးသားတဲ့သူပုန်ဖြူစာအုပ် ရောင်းရငွေရဲ့ ၃၅ ရာခိုင်နှုန်းကို အာဏာသိမ်းပြီးနောက်ပိုင်း ကိုယ်လက်အင်္ဂါ စွန့်လွှတ်ခဲ့တဲ့ တော်လှန်ရေးတပ်ဖွဲ့တွေကို ကူညီထောက်ပံ့သွားမယ်လို့ ဒေါက်တာညိုထွန်းအောင်က ပြောကြားထားပါတယ်။

အဆိုပါ သူပုန်ဖြူကဗျာစာအုပ်ဟာ ရခိုင်၊ မြန်မာနှစ်ဘာသာနဲ့ ရေးသားဖော်ပြထားပြီး တော်လှန်ရေး ကာလအတွင်း ဖြတ်သန်းခဲ့ရတဲ့ စစ်ရေး၊ နိုင်ငံရေး၊ တော်လှန်ရေးအကြောင်းအရာတွေ ရေးသားထားတယ်လို့ သိရပါတယ်။

ဒေါက်တာ ညိုထွန်းအောင်ဟာ အာရက္ခတပ်တော် (AA) ကို စတင်ထူထောင်စဉ် ဦးဆောင်ပါဝင်ခဲ့သူတစ်ဦးဖြစ်ပြီး ရခိုင်အမျိုးသားတွေ ရသင့်ရထိုက်တဲ့အခွင့်အရေး၊ အမျိုးသားတန်းတူရေး၊ ကိုယ်ပိုင်ပြဋ္ဌာန်းဆုံးဖြတ်ပိုင်ခွင့်တွေအတွက် တိုက်ပွဲဝင်နေသူတစ်ဦးလည်း ဖြစ်ပါတယ်။