ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ (USDP) ဥက္ကဋ္ဌ ဦးခင်ရီဟာ ရန်ကုန်တိုင်းဒေသကြီး USDP ပါတီ ဥက္ကဋ္ဌ ဗဟိုအလုပ်အမှုဆောင် ဦးခင်မောင်စိုးနဲ့အတူ ဇူလိုင် ၃၁ ရက်မှာ အနုပညာရှင်အသိုင်းအဝိုင်းမှ မိတ်ဆွေတွေနဲ့ တွေ့ဆုံပွဲမှာ တက်ရောက်ခဲ့တယ်လို့ ဆိုပါတယ်။
အဆိုပါ တွေ့ဆုံပွဲကို အနုပညာအသိုင်းအဝန်းမှ ရုပ်ရှင်သရုပ်ဆောင်တွေ၊ ဟာသပညာရှင်တွေ၊ ဒါရိုက်တာတွေ တက်ရောက်ခဲ့ပြီး ပါတီဥက္ကဋ္ဌက နိုင်ငံတော်မှ ဆောင်ရွက်လျက်ရှိတဲ့ အခြေအနေတွေ၊ မိမိတို့ပါတီဖြစ်တည်လာမှုသမိုင်း၊ ရွေးကောက်ပွဲ အောင်မြင်စွာကျင်းပနိုင်ရေးနဲ့ မိမိကြိုက်နှစ်သက်ရာ အဖွဲ့အစည်းတွေကို မဲပေးရေးအပါအဝင် ကဏ္ဍအသီးသီးမှာ တက်ရောက်လာတဲ့သူတွေနဲ့ အပြန်အလှန် ဆွေးနွေးခဲ့တယ်လို့ ဆိုပါတယ်။
ဒါ့အပြင် ရန်ကုန်တိုင်းဒေသကြီးအတွင်း အခြေစိုက်မီဒီယာအဖွဲ့တွေနဲ့ပါ တွေ့ဆုံခဲ့ပြီး ပါတီရဲ့လှုပ်ရှားဆောင်ရွက်မှုတွေကို ပါတီဥက္ကဋ္ဌက အကျယ်တဝံ့ရှင်းလင်းပြောကြားပြီး တက်ရောက်လာတဲ့ သတင်းမီဒီယာအဖွဲ့တွေမှ မေးမြန်းတဲ့ မေးခွန်းတွေကို ပြန်လည်ဖြေကြားခဲ့တယ်လို့ ဆိုပါတယ်။
USDP ပါတီဟာ စစ်ကောင်စီထံ ပြန်လည်မှတ်ပုံတင်ခဲ့ပြီးနောက် လက်ရှိမှာ ရွေးကောက်ပွဲ ဝင်ရောက်ယှဉ်ပြိုင်ရေး ပြင်ဆင်နေတယ်လို့ သိရပါတယ်။
