“ဝ” ပြည်သွေးစည်း ညီညွတ်ရေး တပ်မတော် (UWSA) ဗဟိုဌာနချုပ်ဖြစ်တဲ့ ပန်ဆန်း (ပန်ခမ်း) မြို့မှာ လက်နက်ခဲယမ်းတွေ ခိုးယူပြီး ရောင်းချခဲ့တဲ့ UWSA ထောက်ပို့တပ်သားတစ်ဦးကို သေဒဏ်ချမှတ်ခဲ့တယ်လို့ သိရပါတယ်။

အဆိုပါ တရားစီရင်တဲ့ အခမ်းအနားကို ဒီကနေ့မနက် ၈ နာရီမှာ ပြုလုပ်ခဲ့ပြီး ဒေသခံ ပြည်သူတွေ လာရောက်ကြည့်ရှု့ခဲ့တယ်လို့ UWSA – “ဝ” ပြည်သွေးစည်း ညီညွတ်ရေး တပ်မတော် စစ်ဦးစီးဌာနရုံးက ထုတ်ပြန်ပါတယ်။

ပြစ်မှုကျူးလွန်သူ ၂ ဦးအနက် ၁ ဦးကိုတော့ သေဒဏ်ပေးပြီး ကျန် ၁ ဦးကို နှစ်ရှည်ထောင်ဒဏ် ချမှတ်ခဲ့တယ်လို့ သိရပါတယ်။

၄င်း ပြစ်မှုကျူးလွန်သူတွေဟာ လက်နက်ခဲယမ်းတွေကို ခိုးယူခဲ့ပြီး တိုင်းရင်းသား လက်နက်ကိုင် အပြင် တခြားလက်နက်ကိုင်တွေကိုလည်း ရောင်းချပေးခဲ့တာလို့ သိရပါတယ်။