“ဝ” ပြည်သွေးစည်းညီညွတ်ရေးတပ်မတော် (UWSA) ရဲ့ တောင်ပိုင်း(၁၇၁) စစ်ဒေသ တပ်မဟာ (၇၇၅) ကို ဒီကနေ့ ဧပြီ ၃ ရက်နေ့မှာ စစ်သင်တန်းဆင်းပွဲ အခမ်းအနား ပြုလုပ်ခဲ့တယ်လို့ UWSA မှ ဦးညီရမ်းက ၎င်းရဲ့ လူမှုကွန်ယက် စာမျက်နှာမှာ ရေးသားထားပါတယ်။

အလားတူ မတ်လ ၉ ရက်နေ့ကလည်း ရှမ်း၊ ကချင်၊ “ဝ”၊ လားဟူ လူငယ်တွေပါတဲ့ စစ်သင်တန်းဆင်းပွဲ တစ်ခုကို ဟိုပန်မြို့နယ်မှာ ကျင်းပခဲ့ပါတယ်။

“ဝ”ပြည်သွေးစည်းညီညွတ်ရေး တပ်မတော် (UWSA) ဟာ မြန်မာပြည်က တိုင်းရင်းသား လက်နက်ကိုင်တပ်ဖွဲ့ (EAO) တွေအနက် စစ်လက်နက်နဲ့ လူအင်အားအတောင့်တင်းဆုံး တပ်ဖွဲ့ဖြစ်တယ်လို့ သိရပါတယ်။