ရုရှားရေတပ် Pacific Fleet မှ စစ်ရေယာဉ်သုံးစင်းဟာ ဒီနေ့ နိုဝင်ဘာ ၁၀ ရက်နေ့ ညနေပိုင်းက ရန်ကုန်မြို့ သီလဝါဆိပ်ကမ်းကို ရောက်ရှိလာတယ်လို့ စစ်ကော်မရှင်က သတင်းထုတ်ပြန်ပါတယ်။

အဲဒီ စစ်ရေယာဉ်သုံးစင်းဟာ တတိယအကြိမ် မြန်မာ-ရုရှားနှစ်နိုင်ငံ ရေကြောင်းလုံခြုံရေးဆိုင်ရာ လေ့ကျင့်ခန်းဆောင်ရွက်ဖို့ နဲ့ ချစ်ကြည်ရေးခရီးလည်ပတ်ဖို့ ရောက်ရှိလာတာဖြစ်တယ်လို့ ဆိုပါတယ်။

အဆိုပါ ခရီးစဉ်အတွင်း ရန်ကုန်မြို့ရှိ အထင်ကရနေရာတွေကို သွားရောက်လေ့လာလည်ပတ်တာ၊ နှစ်နိုင်ငံချစ်ကြည်ရေးအားကစားပြိုင်ပွဲတွေ ပြုလုပ်တာ နဲ့ ဆိပ်ကမ်းအခြေပြု လေ့ကျင့်ခန်းတွေ လုပ်ဆောင်သွားမှာဖြစ်တယ်လို့ ဆိုပါတယ်။