ဒီနေ့ ဇူလိုင် ၂၇ ရက် ၇ နာရီ ၃၀ မိနစ် တိုင်းထွာချက်အရ နန့်ယင်းချောင်းရေဟာ မိုးညှင်းမြို့မှာ စိုးရိမ်ရေမှတ်အောက် ၃ ပေခွဲကျော်မှာ ရောက်ရှိနေပြီး အဆိုပါ မြစ်ရေဟာ ၁ ရက်အတွင်း မိုးညှင်းမြို့ရဲ့ စိုးရိမ်ရေမှတ်ကို ရောက်ရှိနိုင်တယ်လို မိုးလေဝသနှင့် ဇလဗေဒညွှန်ကြားမှုဦးစီးဌာနက ထုတ်ပြန်ပါတယ်။

ဒါကြောင့် မိုးညှင်းမြို့နယ်အတွင်းရှိ မြစ်ကမ်းအနီးနဲ့ မြေနိမ့်ပိုင်းနေထိုင်သူတွေအနေဖြင့် ကြိုတင်သတိပြုနိုင်ဖို့နဲ့ မြစ်ရေမြင့်တက်လာပါက အချိန်မီရှောင်ရှားနိုင်ဖို့ သတိပေး ထုတ်ပြန်ထားပါတယ်။

အခုရက်ပိုင်း မိုးအဆက်မပြတ် ရွာသွန်းနေတာကြောင့် မိုးညှင်းမြို့မှာ ဒီနေ့မနက်ပိုင်းကစ၍ ရေကြီးရေလျှံမှုဖြစ်ပွားနေပြီး မြေနိမ့်ပိုင်းရပ်ကွက်တချို့ ရေနစ်မြှုပ်နေတယ်လို့သိရပါတယ်။