Home စစ်ရေး မန္တလေး PDF ထိန်းချုပ်ထားတဲ့ စဉ့်ကူးမှာ လေကြာင်းတိုက်ခိုက်ခံရပြီး ၂၂ ဦး သေဆုံး

မန္တလေး PDF ထိန်းချုပ်ထားတဲ့ စဉ့်ကူးမှာ လေကြာင်းတိုက်ခိုက်ခံရပြီး ၂၂ ဦး သေဆုံး

by Homeland Author

မန္တလေး PDF ထိန်းချုပ်ထားတဲ့ စဉ့်ကူးမြို့နယ် လက်ပန်လှကျေးရွာ လေကြောင်းတိုက်ခိုက်ခံရပြီး အကျဉ်းသားတွေ နဲ့ စစ်ဆေးနေဆဲ သံသယတရားခံ ၂၂ ဦး သေဆုံးသွားခဲ့တယ်လို့ ထုတ်ပြန်လာပါတယ်။

မနေ့က ဇူလိုင်လ (၂၉) ရက်နေ့ ညနေပိုင်းမှာ စစ်တပ်က လေကြောင်းတိုက်ခိုက်မှု ပြစ်ဒဏ်ကျ အကျဉ်းသားတွေ နဲ့ စစ်ဆေးနေဆဲ သံသယတရားခံတွေဖြစ်တဲ့ အမျိုးသား (၂၁) ဦး နဲ့ အမျိုးသမီး(၁) ဦး အသက်ဆုံးရှုံးခဲ့ရပြီး ထိခိုက်ဒဏ်ရာရသူ (၃၀) ဝန်းကျင်ရှိခဲ့တယ်လို့ ဆိုပါတယ်။

ဒါ့အပြင် ရွှေပန်းတောကျေးရွာကိုလည်း လေကြောင်းတိုက်ခိုက်မှုကြောင့် ပြည်သူ အမျိုးသား (၁) ဦးနဲ့ အမျိုးသမီး (၁) ဦး အသက်ဆုံးရှုံးခဲ့ရတယ်လို့ ဆိုပါတယ်။

အခု ဇူလိုင်လအတွင်း စစ်တပ်က တော်လှန်ရေးအင်အားစုတွေ သိမ်းပိုက်ထားတဲ့ မန္တလေးတိုင်းနဲ့ သျှမ်းမြောက်က မြို့တွေကို မကြာခဏဆိုသလို လေကြာင်းတိုက်ခိုက်မှု၊ လက်နက်ကြီးပစ်ခတ်မှုတွေ လုပ်ဆောင်နေတယ်လို့ တော်လှန်ရေး အင်အားစုတွေက ပြောပါတယ်။

ဒါ့အပြင် စစ်တပ်က အင်အားအလုံးအရင်းနဲ့ ထိုးစစ်ဆင်တိုက်ခိုက်တာကြောင့် တအာင်းတပ်မတော် (TNLA) ထိန်းချုပ်ထားတဲ့ နောင်ချိုမြို့၊ မန္တလေး PDF ၊ တော်လှန်ရေးအင်အားစုတွေ ထိန်းချုပ်ထားတဲ့ သပိတ်ကျင်းမြို့တွေကို စစ်တပ်က ပြန်လည်တိုက်ခိုက် ထိန်းချုပ်ထားပါတယ်။

related posts

Leave a Comment