စစ်ကိုင်းတိုင်းဒေသကြီး အထက်ပိုင်း၊ ဗန်းမောက်မြို့နယ် အနောက်ခြမ်း သာယာကုန်ကျေးရွာကို ကဒူးတပ်ဖွဲ့နဲ့ မဟာမိတ်တပ်တွေက ဒီကနေ့ ဇူလိုင် ၁၁ ရက် မနက် ၉ နာရီဝန်းကျင်မှာ ဒရုန်းနဲ့ ဗုံးပစ်ချ တိုက်ခိုက်ခဲ့တယ်လို့ ဒေသခံတွေက ပြောပါတယ်။
အဆိုပါ ဒရုန်းနဲ့ တိုက်ခိုက်ခြင်းကြောင့် သာယာကုန်းကျေးရွာက ကဒူးလူမျိုး ဦးဖိုးကောက်ရဲ့ နေအိမ် ထိမှန်ပြီး ပျက်စီးမှု အချို့ရှိခဲ့ကြောင်း၊ လူထိခိုက်မှု မရှိကြောင်း ပြောပါတယ်။
ဒေခံတစ်ဦးက “ကဒူးအာမီလို့တော့ ပြောကြတယ်၊ တခြား သူ့ရဲ့ မဟာမိတ်အဖွဲ့တွေလည်းပါတယ်လို့ ကြားတယ်၊ သာယာကုန်းကို ဒရုန်းချပြီးတော့ တခြားနေရာ တချို့မှာလည်း ဗုံးချတယ်၊ ပြီးတော့ ပြန်သွားကြတယ်” လို့ ပြောပါတယ်။
အလားတူ ပြီးခဲ့တဲ့ ၂၀၂၄ ခုနှစ်၊ ဒီဇင်ဘာလအတွင်းကလည်း ကချင်လွတ်လပ်ရေး တပ်မတော် (KIA) နဲ့ ၎င်း လက်အောက်ခံတပ်ဖွဲ့တွေက ဗန်းမောက်မြို့ လွှစင်ကုန်းရပ်ကွက် စျေးတန်းတစ်ခုကို ဒရုန်းနဲ့ တိုက်ခိုက်တာကြောင့် အသက် ၁၆ နှစ်အရွယ် အမျိုးသမီးတစ်ဦး သေဆုံးပြီး အသက် ၁၃ နှစ်အရွယ် လူငယ်တစ်ဦး ယမ်းစထိမှန် ဒဏ်ရာရရှိခဲ့တဲ့ ဖြစ်စဉ်တွေလည်း ရှိခဲ့ပါတယ်။
အဆိုပါ ဗန်းမောက်မြို့နယ်ဟာ ရှမ်းနီအမျိုးသားများ တပ်မတော် (SNA) တပ်မဟာ ၆၁၄ နယ်မြေဖြစ်ပြီး KIA နဲ့ ၎င်း လက်အောက်ခံတပ်ဖွဲ့တွေ ဖြစ်တဲ့ ဗန်းမောက် PDF-K4၊ ပကဖ၊ ကဒူးတပ်ဖွဲ့ (KA) တို့က SNA ကို ထိုးစစ်ဆင်တိုက်ခိုက်လျက်ရှိနေတယ်လို့ သိရပါတယ်။
