သျှမ်းပြည်မြောက်ပိုင်း၊ နောင်ချိုမြို့နယ်ရှိ ကျောက်ကြမ်း၊ နောင်လင်၊ ကျောက်တော၊ အုမ္မခါး၊ နားမုံနှင့် ရေမောင်းတန်ကျေးရွာတွေမှာ စစ်တပ်နဲ့ တအာင်းတပ် (TNLA) တို့ တိုက်ပွဲဆက်လက်ဖြစ်ပွားနေတယ်လို့ သိရပါတယ်။

အဆိုပါ တိုက်ပွဲဖြစ်ပွားချိန်အတွင်း စစ်တပ်ဘက်မှ လက်နက်ကြီး ၁၃၂ လုံး ပစ်ခတ်တိုက်ခိုက်ခဲ့သလို ဒရုန်းနဲ့လည်း ဗုံး ၅၀ လုံးတို့ ပစ်ကူတိုက်ခိုက်ခဲ့တယ်လို့ TNLA က ထုတ်ပြန်ပါတယ်။

ဇူလိုင် ၉ ရက်နေ့က နောင်လင်၊ ကျောက်ကြမ်းနဲ့ အုမ္မခါးကျေးရွာတို့မှာ စစ်တပ်နဲ့ TNLA တို့ တိုက်ပွဲဖြစ်ပွားနေချိန်အတွင်း စစ်တပ်ဘက်မှ လက်နက်ကြီး ၇၅ လုံး၊ ဒရုန်းနဲ့ ဗုံး ၄၀ လုံးတို့ကို ပစ်ခတ်တိုက်ခိုက်ခဲ့တာလို့ ဆိုပါတယ်။

ဒါ့အပြင် ကျောက်တော၊ နားမုံနဲ့ ရေမောင်းတန်းကျေးရွာကြားမှာ ဖြစ်ပွားတဲ့ တိုက်ပွဲအတွင်း စစ်တပ်မှ  လက်နက်ကြီး   ၁၀ လုံး၊ ဒရုန်းနဲ့ ဗုံး ၁၀ လုံးတို့ကို ပစ်ကူခဲ့သလို ရေမောင်တန်းကျေးရွာဘက်လည်း တိုက်ပွဲဖြစ်ပွားခြင်းမရှိဘဲ လက်နက်ကြီး ၄၇ လုံး စစ်တပ်က ပစ်ခတ်တိုက်ခိုက်ခဲ့တယ်လို့ TNLA က ဆိုပါတယ်။

ပြီးခဲ့သည့် ဇူလိုင်လ ၈ ရက်နေ့လည်း နောင်ချိုမြို့နယ်ရှိ  ရေမောင်းတန်း၊ နောင်လင်၊ အုမ္မခါး၊ ကျောက်ကြမ်း၊ ကျောက်တော၊ နားမုံနဲ့ ကသဲမျှောင်ကျေးရွာတို့မှာ စစ်တပ်နဲ့ TNLAတို့ တိုက်ပွဲဆက်လက်ဖြစ်ပွားနေချိန်အတွင်း စစ်တပ်ဘက်မှ လက်နက်ကြီး ၁၈၉ လုံး၊ ဒရုန်းနဲ့ ဗုံး ၄၈ လုံးတို့ကို ပစ်ကူ တိုက်ခိုက်ခဲ့တယ်လို့ ဆိုပါတယ်။

လက်ရှိမှာ ၁၀၂၇ စစ်ဆင်ရေးအတွင်း TNLA သိမ်းပိုက်ထားတဲ့ နောင်ချိုမြို့ကို စစ်တပ်ဖက်က ပြန်လည်၍ ထိုးစစ်ဆင်တိုက်ခိုက်လျက်ရှိနေတယ်လို့ သိရပါတယ်။